Newsworldmarathi Mumbai : success story मुंबई मेट्रो रेल कॉर्पोरेशन लिमिटेडच्या व्यवस्थापकीय संचालक असणाऱ्या अश्विनी भिडे यांची बदली करण्यात आली आहे. मेट्रोवूमन म्हणून कारकीर्द गाजवलेल्या अश्विनी भिडे यांची मुख्यमंत्र्यांच्या प्रधान सचिव म्हणून नियुक्ती करण्यात आली आहे आहे. त्यामुळे आता अश्विनी भिडे यांनी मेट्रोतून थेट मंत्रालयात जाणार आहे. मेट्रोत असताना त्यांनी त्यांची जबाबदारी चोख पाळली होती.त्यामुळे आता त्या ही नवीन जबाबदारी कशा पार पाडतात? हे पाहणे महत्वाचे ठरणार आहे.
अश्विनी भिडेंनी याआधी मेट्रो ३ ची जबाबदारी पार पाडली आहे. मुंबई महानगर पालिकेच्या अतिरिक्त आयुक्त म्हणूनदेखील त्यांनी काम केलं आहे. पालिका, मेट्रोमध्ये उल्लेखनीय कामगिरी करणाऱ्या भिडे यांच्याकडे आता मुख्यमंत्री कार्यालयात प्रधान सचिव पदाची जबाबदारी देण्यात आलेली आहे.
मुंबई मेट्रोच्या कारशेडसाठी आरे कॉलनीत झाडांची कत्तल करण्यात आली होती. ते प्रकरण वादग्रस्त ठरलं होतं. त्यावेळी भिडे मेट्रोच्या व्यवस्थापकीय संचालिका होत्या. महाविकास आघाडी सरकार सत्तेत येताच मुख्यमंत्री उद्धव ठाकरेंनी भिडे यांची उचलबांगडी केली होती. पण एकनाथ शिंदेंच्या नेतृत्त्वात महायुतीचं सरकार येताच त्यांच्याकडे पुन्हा मुंबई मेट्रोची धुरा सोपवण्यात आली.
मुख्यमंत्रिपदाची शपथ घेतलेल्या देवेंद्र फडणवीस यांनी पहिल्या आठवड्याभरातच त्यांची प्रशासकीय टीम बांधायला घेतली आहे. काही दिवसांपूर्वीच सचिवपदी फडणवीसांनी श्रीकर परदेशींची नेमणूक सचिवपदी केली. त्यानंतर आता ‘मेट्रो वूमन’ अश्विनी भिडे यांची मुख्यमंत्री कार्यालयात नियुक्ती करण्यात आली आहे. प्रधान सचिव पदावर त्यांची वर्णी लागलेली आहे. अपर मुख्य सचिव व्ही. राधा यांनी याबद्दलचा आदेश काढलेला आहे.
अश्विनी भिडे १९९५ च्या बॅचच्या आएएस अधिकारी आहेत. कार्यतत्पर अधिकारी म्हणून त्यांची ओळख आहे. देवेंद्र फडणवीस यांच्या मर्जीतील अधिकारी म्हणूनही त्यांच्याकडे पाहिलं गेलं. कारशेडच्या मुद्द्यावरुन ठाकरे आणि अश्विनी भिडे यांच्यात मतभेद झाले होते. त्यानंतर त्यांना करोना विषाणू व्यवस्थापन समितीत सहभागी करुन घेण्यात आलं. नंतर २०२० साली त्यांना मुंबई महापालिकेचं अतिरिक्त आयुक्तपद देण्यात आलं होतं
