Newsworld Mumbai : फेंगल चक्रीवादळाच्या परिणामस्वरूप, महाराष्ट्रातील हवामानात बदल होत असून, काही भागांत पावसाची शक्यता आहे. भारतीय हवामानशास्त्र विभागाने कोकण-गोवा आणि मध्य महाराष्ट्रातील काही जिल्ह्यांसाठी मेघगर्जनेसह पावसाचा इशारा दिला आहे. त्यामुळे पुढील तीन दिवस पावसाचे सावट राहील, आणि काही जिल्ह्यांना ‘यलो अलर्ट’ जारी करण्यात आला आहे.
Advertisements
याशिवाय, राज्यात थंडीचा जोर कमी झाला आहे. विशेषतः पुणे, नाशिक, नगर या भागांत तापमानात वाढ झाली असून, थंडीची तीव्रता घटली आहे.
सध्याच्या हवामान स्थितीनुसार, पुढील काही दिवसांत राज्यात ढगाळ वातावरण आणि काही ठिकाणी पावसाच्या सरींची शक्यता आहे. त्यामुळे नागरिकांनी हवामान विभागाच्या सूचनांचे पालन करावे आणि आवश्यक ती काळजी घ्यावी.
