News World Marathi© 2024 Newsworld मराठी बाह्य इंटरनेट साइट्सच्या सामग्रीसाठी आम्ही जबाबदार नाही. बाह्य लिंक्सबद्दल आम्हाल काय वाटतं? इथे वाचा. बाह्य लिंक्सबद्दल आम्हाल काय वाटतं? इथे वाचा.

Newsworldmarathi Pune : पुणे-नाशिक महामार्गावर नारायणगावजवळ घडलेला हा भीषण अपघात अतिशय दुर्दैवी आणि मन हेलावून टाकणारा आहे. या घटनेत चार महिला, चार पुरुष आणि एका बाळाचा जागीच मृत्यू झाल्याची दुर्दैवी माहिती आहे. स्थानिक नागरिक आणि पोलिसांनी दाखवलेली तत्परता कौतुकास्पद आहे, ज्यामुळे जखमींना तात्काळ उपचारांसाठी रुग्णालयात दाखल करता आले. जखमींवर सध्या रुग्णालयात उपचार सुरु आहेत. पुणे-नाशिक महामार्गावरील नारायणगावजवळ आज सकाळी दहा वाजेच्या सुमारास भीषण अपघात झाला. प्रवासी वाहतूक करणाऱ्या मॅक्स ऑटो गाडीला पाठीमागून आयशर टेम्पोने जोरदार धडक दिली. यामुळे मॅक्स ऑटो ही चेंडूप्रमाणे हवेत फेकली गेली आणि पुढे एक ब्रेक फेल झालेली एसटी रस्त्याच्या बाजूला उभी होती. त्या एसटीवर जाऊन मॅक्स ऑटो आदळली. या अपघातात आयशर आणि मॅक्स ऑटोचा अक्षरशः चुराडा झाला आहे. या घटनेचे कारण नेमके काय होते याबाबत अद्याप स्पष्टता नाही, पण महामार्गावरील वाहतुकीची नियमबाह्य पद्धत आणि अतिवेग यामुळे अपघातांचे प्रमाण वाढत आहे. अशा दुर्दैवी घटनांवर अंकुश ठेवण्यासाठी प्रशासनाकडून अधिक कडक उपाययोजना आणि वाहनचालकांकडून सावधगिरीची गरज आहे. मयत नावे पुढील प्रमाणे 1) देबुबाई दामू टाकळकर वय 65 वर्ष रा. वैशखखेडे तालुका जुन्नर जिल्हा पुणे 2)विनोद केरूभाऊ रोकडे 50 वर्ष राहणार कांदळी तालुका जुन्नर जिल्हा पुणे 3)युवराज महादेव वाव्हळ वय 23 वर्ष रा 14 नंबर कांदळी तालुका जुन्नर जिल्हा पुणे 4)चंद्रकांत कारभारी गुंजाळ वय 57 वर्ष राहणार कांदळीतालुका जुन्नर जिल्हा पुणे 5)गीता बाबुराव गवारे वय 45 वर्षे 14 नंबर कांदळी तालुका जुन्नर जिल्हा पुणे 6)भाऊ रभाजी बडे वय 65 वर्ष रा नगदवाडी कांदळीतालुका जुन्नर जिल्हा पुणे 7)नजमा अहमद हनीफ शेख वय- 35 वर्ष रा.गडही मैदान खेड राजगुरुनगर 8)वशिफा वशिम इनामदार वय 5 वर्ष 9)मनीषा नानासाहेब पाचरणे वय 56 वर्षे रा.14 नंबर तालुका जुन्नर जिल्हा पुणे

Newsworldmarathi Baramati : बारामतीत सुरू असलेल्या कृषी प्रदर्शनामध्ये हैदराबादच्या नवाबांनी तब्बल 11 कोटी रुपये किमतीचा सोनेरी रंगाचा घोडा आणल्याने प्रेक्षकांची मोठी गर्दी उसळली आहे. या घोड्याचे वैशिष्ट्य त्याचा चमकदार सोनेरी रंग, त्याची अभिजात रचना आणि अप्रतिम देखावा आहे. हैदराबाद येथील नवाबाने बारामतीच्या कृषी प्रदर्शनामध्ये तब्बल 11 कोटीचा घोडा आणला आहे. या घोड्याचा रंग सोनेरी असून या घोड्याला पाहण्यासाठी कृषी प्रदूषणामध्ये एकच गर्दी होत असल्याचे चित्र पाहायला मिळत आहे. हा घोडा विशेष प्रजातीचा असून, त्याला देशभरात उत्कृष्ट घोड्यांपैकी एक मानले जाते. प्रदर्शनात या घोड्याचे दर्शन घेण्यासाठी प्रेक्षकांची रीघ लागलेली आहे. कृषी प्रदर्शनातील हा आकर्षणाचा केंद्रबिंदू ठरत असून, या घोड्याने संपूर्ण कार्यक्रमाची शोभा वाढवली आहे. सर्वसामान्य लोकांसाठी असा दुर्मिळ अनुभव असतो, ज्यामुळे हा घोडा चर्चेचा विषय बनला आहे. मालेगावच्या घोडेबाजारामध्ये या घोड्याची किंमत तब्बल 11 कोटी ठरविण्यात आल्याचे बोलले जाते. देशातील हा एकमेव घोडा असल्याचेही सांगण्यात आले आहे.मारवाडी जातीचा हा घोडा असल्याचे सांगण्यात आले आहे याचबरोबर अशा प्रकारचे घोडे भारतामध्ये फार पाहायला मिळत नाहीत

Newsworldmarathi Pune : तुमचा मूड वारंवार खराब होतो का? मूड गेल्याने तुम्हाला निरुत्साह किंवा चिडचिड जाणवते का? नवीन वर्षात तुम्हाला आपल्या मूडवर, भावनांवर ताबा मिळवून मूड मास्टर बनायचे असेल, जाणून बुजून मूड चांगला करायला शिकायचं असेल तर तुमच्यासाठी एक सुवर्णसंधी आहे. तेजज्ञान फाउंडेशनतर्फे 26 जानेवारी 2025 रोजी, दुपारी 1 ते 4 या वेळात मनन आश्रम, सिंहगड रोड, पुणे येथे तेजगुरू सरश्री यांचे ‘जानबूझकर मूड अच्छा कैसे करे?, Mood Mastery in 2025 हे मार्गदर्शक प्रवचन आयोजित करण्यात आले आहे. हा कार्यक्रम संपूर्णपणे निःशुल्क असून सर्वांसाठी खुला आहे. याचे थेट प्रक्षेपण यू ट्यूब, फेसबुक आणि झूमच्या माध्यमातूनही केले जाणार असून जास्तीत जास्त लोकांनी याचा लाभ घेऊन आपल्या आयुष्यात सकारात्मक आणि कायमस्वरूपी बदल घडवावा असे आवाहन फाउंडेशनतर्फे करण्यात आले आहे. तेजज्ञान फाउंडेशनची वेबसाईटवर https://happythoughts.global/26jan_live येथे रजिस्टर करून तुम्ही या मार्गदर्शनाचा लाभ घेऊ शकता. अधिक माहितीसाठी 9921008060 या नंबरवर कॉल करा

Newsworldmarathi Pune : इनोव्हेशन फाउंडेशनतर्फे पुण्यातील AISSMS येथे ‘इनोव्हेट यु टेकाथॉन 2.0’ या राष्ट्रीय पातळीवरील हॅकाथॉन स्पर्धेच्या दुसऱ्या पर्वाचे अयोजन येत्या 22 व 23 फेब्रुवारी 2025 रोजी कऱण्यात आले आहे. या स्पर्धेत सहभागी होण्यासाठी ऑनलाईन नोंदणीला सुरुवात करण्यात आली असून राज्यभरातील सर्व विद्यापीठातील तसेच सर्व संलग्न महाविद्यालयातील विद्यार्थी या स्पर्धेत सहभाग घेऊ शकतात.स्पर्धक विद्यार्थ्यांना सात विषय संशोधन प्रकल्प सादर करण्यासाठी दिले आहेत. या स्पर्धेत विजयी व सहभागी होणाऱ्या विद्यार्थ्यांना एकूण 7.5 लाख रुपयांची बक्षिसे दिली जाणार आहेत.त्यातील पहिले बक्षीस 2 लाख रुपयांचे, दुसरे बक्षीस 1 लाख रुपयांचे तर तिसरे बक्षीस 75 हजार रुपयांचे असणार आहे, इनोवेशन फाउंडेशनचे संस्थापक अध्यक्ष कल्पेश यादव यांनी गुरुवारी पत्रकार परिषदेत ही माहिती सांगितली. इनोव्हेशन फाउंडेशनतर्फे घेतल्या जाणाऱ्या ‘इनोव्हेट यु टेकाथॉन 2.0’ या राष्ट्रीय पातळीवरील हॅकाथॉन स्पर्धेची माहिती देण्यासाठी आयोजित पत्रकार परिषदेत कल्पेश यादव बोलत होते. याप्रसंगी इतर पदाधिकारी उपस्थित होते. कल्पेश यादव म्हणाले, ‘इनोव्हेट यु टेकाथॉन 2.0’ या स्पर्धेसाठी एआयएसएसएमएस- इन्स्टिट्यूट ऑफ इन्फॉर्मेशन टेक्नॉलॉजी, एआयसीटीई, राज्याचा तंत्रशिक्षण विभाग, सावित्रीबाई फुले पुणे विद्यापीठ, रतन टाटा महाराष्ट्र स्टेट स्किल युनिव्हर्सिटी, कॉलेज ऑफ इंजीनियरिंग पुणे, डॉ. बाबासाहेब आंबेडकर टेक्नॉलॉजिकल युनिव्हर्सिटी, महाराष्ट्र प्रदूषण नियंत्रण मंडळ, आयडीटीआरएस यांचे सहकार्य लाभले आहे. शिक्षण आणि संशोधन हा देशाच्या विकासाचा पाया आहे. शालेय व महाविद्यालयीन विद्यार्थ्यांनी संशोधनाकडे वळावे, या उद्देशाने केंद्र व राज्य शासनाकडून विविध पातळ्यांवर प्रयत्न केले जातात. इनोवेशन फाउंडेशनच्या माध्यमातून आयोजित केल्या जाणाऱ्या स्पर्धेमधून समाजोपयोगी संशोधन निर्माण व्हावे. उद्योजकांना पूरक असणाऱ्या संशोधनाची निर्मिती व्हावी. समाजाचे जीवनमान उंचविण्यासाठी आवश्यक संशोधन विद्यार्थ्यांच्या माध्यमातून बाहेर यावे, विद्यापीठ व महाविद्यालयांमध्ये मोठ्या प्रमाणावर रिसर्च कल्चर निर्माण व्हावे, या उद्देशाने ही स्पर्धा आयोजित केली जात आहे. ‘इनोव्हेट यु टेकाथॉन 2.0’ या राष्ट्रीय पातळीवरील हॅकाथॉन स्पर्धेत सहभागी होण्यासाठी विद्यार्थी innovateyou.in या संकेतस्थळावर जाऊन नोंदणी करू शकतात. महाराष्ट्रातील विद्यार्थ्यांसाठी नोंदणी शुल्क 999 रुपये तर महाराष्ट्र बाहेरील विद्यार्थ्यांसाठी नोंदणी शुल्क 1,999 रुपये आहे. नोंदणी केल्यानंतर संबंधित स्पर्धक गटाने गूगल फॉर्म च्या माध्यमातून प्रॉब्लेम स्टेटमेंट सबमिट करावयाचे आहे. मागील वर्षी घेण्यात आलेल्या स्पर्धेत 39 शहरांमधील आणि 9 राज्यांमधील 600 हून अधिक स्पर्धकांनी सहभाग घेतला होता. मागील वर्षी मिळालेल्या अभूतपूर्व प्रतिसादानंतर पुन्हा एकदा संशोधनाची आवड असणाऱ्या विद्यार्थ्यांना प्रोत्साहन देण्यासाठी इनोव्हेशन फाउंडेशनतर्फे ही स्पर्धा आयोजित केली जात आहे, असेही कल्पेश यादव यांनी सांगितले. *इनोव्हेशन फाउंडेशन आयोजित ‘इनोव्हेट यु टेकाथॉन 2.0’ स्पर्धेचे विषय* 1) एज्यूटेक २) ट्राफिक मॅनेजमेंट 3) स्टुडन्ट इनोवेशन 4) एन्व्हायरमेंट 5) डिझास्टर मॅनेजमेंट 6) हेल्थ केअर 7) ॲग्रीकल्चर स्पर्धेची सविस्तर माहिती संकेतस्थळावर प्रसिद्ध केलेल्या माहितीपत्रकात नमूद केलेली आहे. स्पर्धेत सहभागी झालेल्या विद्यार्थ्यांना रतन टाटा यांच्या स्मरणार्थ रतन टाटा इनोव्हेटिव्ह माईंड अवॉर्ड आणि बेस्ट इनोवेशन युजिंग अवॉर्ड दिले जाणार आहे. त्याचप्रमाणे दहा हजार रुपये रक्कमेची 35 स्वतंत्र बक्षिसे दिली जाणार आहेत. नोंदणी केल्यानंतर स्पर्धकांना रजिष्ट्रेशन किट त्याचप्रमाणे विद्यार्थ्यांची राहण्याची आणि जेवणाची व्यवस्था करण्यात येणार आहे. अधिक माहितीसाठी व स्पर्धेत सहभागी होण्यासाठी विद्यार्थ्यांना innovateyou.in/hackathon या लिंकचा वापर करता येईल. नोंदणी करताना तांत्रिक अडचण निर्माण आल्यास विद्यार्थी 9689742929, 9623337777 या मोबाईल क्रमांकावर संपर्क साधू शकतात. विद्यार्थ्यांच्या नवकल्पनांना वाव देण्यासाठी आणि त्यांच्यातील उद्यमशीलतेला पाठिंबा देण्यासाठी ही स्पर्धा होत आहे. त्यामुळे अधिकाधिक विद्यार्थ्यांनी स्पर्धेत सहभागी व्हावे. त्यासाठी प्राचार्य आणि पालकांनी पुढाकार घ्यावा, असे आवाहन प्राचार्य डॉ. प्रदीप माने आणि संजय ससाणे यांनी केले आहे.

राजकारणात वैचारिक मतभेद आणि आरोप-प्रत्यारोप हे जरी सामान्य असले, तरी वैयक्तिक नातेसंबंध वेगळ्या स्तरावर टिकवून ठेवणे हे काही नेत्यांसाठी महत्वाचे असते. सुप्रिया सुळे आणि पंकजा मुंडे यांचे उदाहरण हेच दाखवते की राजकीय मतभेद असूनही व्यक्तिशः सौहार्दपूर्ण संबंध राखता येतात. पंकजा मुंडे आणि सुप्रिया सुळे यांनी अजितदादा व्यासपीठावर असताना एकमेकींना मिठी मारली. बारामतीतील या प्रसंगातून असे स्पष्ट होते की राजकीय व्यासपीठावरील संघर्ष हा फक्त त्यांच्या भूमिकांचा भाग आहे आणि तो वैयक्तिक जीवनात प्रतिबिंबित होत नाही. अशा घटना केवळ राजकारणातील मानवतावादी बाजू दाखवत नाहीत तर समाजातही एक सकारात्मक संदेश देतात की मतभेद असले तरी परस्पर आदर कायम ठेवावा. यासारख्या घटना नेहमीच चर्चेचा विषय ठरतात आणि लोकांना राजकारणाच्या पलीकडील नातेसंबंधांची झलक दाखवतात. छत्रपती शिवाजी महाराज चषक राज्यस्तरीय कबड्डी स्पर्धेचे उपमुख्यमंत्री अजित पवार यांच्या हस्ते उद्घाटन झाले. या कार्यक्रमाला खासदार सुप्रिया सुळे, सुनेत्रा पवार, आमदार पंकजा मुंडे, क्रीडा-युवक-कल्याण-अल्पसंख्याक विका व औफाक मंत्री दत्तात्रय भरणे, कृषीमंत्री माणिकराव कोकाटे उपस्थित होते. बारामतीतील या प्रसंगाने राजकीय वर्तुळात आणि माध्यमांमध्ये चांगलीच चर्चा रंगवली. सुप्रिया सुळे आणि पंकजा मुंडे यांच्यातील दिलखुलास भेट, हस्तांदोलन आणि मिठी या गोष्टींनी राजकीय मैत्रीचा एक वेगळा अध्याय उलगडला. विशेष म्हणजे, याच व्यासपीठावर अजित पवार आणि सुनेत्रा पवार यांची उपस्थिती होती, ज्यामुळे या प्रसंगाला आणखी रंगत आली. सुनेत्रा पवार यांनी पंकजा मुंडे यांना हास्याने प्रतिसाद दिला, परंतु सुप्रिया सुळे आणि सुनेत्रा पवार यांच्यात संवाद न झाल्यामुळे विविध तर्क-वितर्क मांडले गेले. मात्र, पंकजा मुंडे आणि सुप्रिया सुळे यांच्या या उघडपणे दिलखुलास भेटीमुळे राजकारणातील वैयक्तिक सौहार्दाची एक झलक समोर आली. हा प्रसंग केवळ राजकीय मतभेदांच्या पलीकडे जाऊन मानवी नातेसंबंधांचे महत्त्व अधोरेखित करतो, हे नक्की. यामुळे कार्यक्रमस्थळी आणि माध्यमांमध्ये विविध चर्चांना उधाण आले, आणि हा प्रसंग अनेकांसाठी आकर्षणाचा केंद्रबिंदू ठरला.

Newsworldmarathi Pune : कुंभमेळ्यासाठी पुण्यातून पहिली विशेष रेल्वे गाडी उत्तर प्रदेशातील प्रयागराजसाठी रवाना करण्यात आली. यावेळी ढोल ताशांच्या गजरात, प्रवाशांचे स्वागत करण्यात आले. आयआरसीटीसी मार्फत भारत गौरवची विशेष रेल्वे पुण्याहून कुंभमेळ्यासाठी बुधवारी (दि.15) सोडण्यात आली.  हिरवा झेंडा दाखवल्यानंतर सायंकाळी  सात वाजून 50 मिनिटांनी कुंभमेळा विशेष रेल्वे गाडी प्रयागराजच्या दिशेने रवाना झाली. ज्येष्ठ प्रवाशांच्या हस्ते फीत कापून या गाडीचे उद्घाटन करण्यात आले. केंद्र शासनाच्या ‘देखो अपना देश’ या योजनेअंतर्गत भारतगौरव ही विशेष रेल्वे सेवा सुरू करण्यात आली आहे. ही गाडी पुणे, वाराणसी, प्रयागराज, आयोध्या, पुणे अशी धावणार आहे. यावेळी रेल्वेच्या पुणे विभागाचे झोनल मॅनेजर गुरूराज सोन्ना व अन्य उपस्थित होते. रेल्वे गाडीत विशेष सुविधा : पुण्यातून कुंभमेळ्यासाठी विशेष गाडीचे नियोजन केले आहे. या गाडीमध्ये प्रवाशांना सर्व सुविधा उपलब्ध होणार आहेत. गाडीमध्ये प्रवाशांच्या सुरक्षेसाठी सुरक्षा रक्षक, सीसीटिव्ही, जेवणाची व्यवस्था असणार आहे. तसेच, कुंभमेळ्याच्या ठिकाणी राहण्यासाठी टेंटसिटीची  व्यवस्था करण्यात आली आहे. येथेही प्रवाशांना सर्व सुविधा उपलब्ध असणार आहेत. प्रथमोपचार सुविधा देखील असणार आहे. 

Newsworldmarathi Mumbai : सामान्य जनता बोलत नाही, पण तिचे तुमच्या कारभारावर बारीक लक्ष असते, तेव्हा चांगली प्रतिमा जपा, बडेजाव नको; साधे राहा. बदल्यांच्या फायली घेऊन फिरत बसू नका. महायुतीचा धर्म पाळून पुढे जा, असा सल्ला पंतप्रधान नरेंद्र मोदी यांनी बुधवारी महायुतीचे सर्व आमदार आणि मंत्र्यांच्या बैठकीत दिला. आयएनएस सभागृहात झालेल्या दोन तासांच्या संवादात मोदी यांनी विकासविषयक काही आमदार, मंत्र्यांची मते जाणून घेतली. यावेळी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार आदी उपस्थित होते. फडणवीस यांनी प्रास्ताविकात महायुतीचे मोठे यश आणि सरकारची भविष्यातील वाटचाल यावर मत व्यक्त केले. मोदी यांनी त्यांच्या भाषणात तिन्ही पक्षांच्या मंत्री, आमदारांशी भावनिक संवाद साधताना काही कठोर मतेही व्यक्त केली. पैसा नाही तर चांगली प्रतिमा महत्त्वाची आहे. बदल्यांच्या फायली घेऊन फिरू नका, या शब्दात त्यांनी सगळ्यांचे कान टोचले. मी गुजरातचा मुख्यमंत्री असताना बदल्यांच्या अनेक फायली यायच्या, मी ते बंद केले होते, असेही ते म्हणाले. महायुतीच्या तीन पक्षांमधील समन्वय खाली गावांपर्यंत गेला पाहिजे. तिन्ही पक्षांच्या नेते, कार्यकर्त्यांनी एकमेकांच्या कार्यक्रम, सभांना जायला हवे. डबे पार्टी करा, असा सल्लाही मोदी यांनी फडणवीसांचा ‘देवाभाऊ’ असा उल्लेख मुख्यमंत्री फडणवीस यांचा उल्लेख ‘देवाभाऊ’ असा करत त्यांच्या नेतृत्वात चांगले सरकार सक्षमपणे चालेल, असा विश्वासही पंतप्रधान मोदी यांनी व्यक्त केला. निःस्पृहपणे जनसेवा कशी करायची हे राष्ट्रीय स्वयंसेवक संघाकडून शिकायला हवे. संघकार्यापासून प्रेरणा घेतली पाहिजे, अशी भावनाही मोदी यांनी बोलून दाखविली. देश मी पंतप्रधान होण्याआधी पाहून झालेला होता. मला या गोष्टीचा खूपच फायदा झाला. तुम्हीही फिरले पाहिजे, खेड्यात मुक्कामी राहिले पाहिजे, संवाद वाढविला पाहिजे, अशा अपेक्षा मोदी यांनी यावेळी व्यक्त केल्या.