News World Marathi© 2024 Newsworld मराठी बाह्य इंटरनेट साइट्सच्या सामग्रीसाठी आम्ही जबाबदार नाही. बाह्य लिंक्सबद्दल आम्हाल काय वाटतं? इथे वाचा. बाह्य लिंक्सबद्दल आम्हाल काय वाटतं? इथे वाचा.

Newsworldmarathi Mumbai : शिवसेनेचे नेते तथा राज्याचे माजी आरोग्य मंत्री तानाजी सावंत हे आज मुख्यमंत्री देवेंद्र फडणवीस यांच्या भेटीसाठी गेले. पण देवेंद्र फडणवीस हे भाजप मंत्र्यांसोबतच्या बैठकीत असल्याने तानाजी सावंत त्यांची भेट घेऊ शकले नाही. तानाजी सावंत हे देवेंद्र फडणवीस यांच्या भेटीसाठी गेले तेव्हा मुख्यमंत्र्यांच्या बंगल्याबाहेर तानाजी सावंत हे ताटकरळ उभे होते. ते बंगल्याबाहेर उभे असतानाचा व्हिडीओ समोर आला आहे. तानाजी सावंत हे फडणवीसांच्या भेटीसाठी बंगल्यात जाण्यासाठी परवानगी मिळावी याची वाट पाहताना दिसत आहेत. तानाजी सावंत जवळपास तीन ते पाच मिनिटे बंगल्याबाहेर वाट पाहत उभे होते. यानंतर सुरक्षा रक्षकांनी बंगल्याचं गेट उघडलं. यानंतर ते बंगल्यात गेले. पण तरीही त्यांची फडणवीसांसोबत भेट होऊ शकली नाही. त्यामुळे अवघ्या काही मिनिटात तानाजी सावंत यांना फडणवीसांची भेट न घेताच परतावं लागलं.

Newsworldmarathi Pune : आर एम डी फाउंडेशनचे संस्थापक अध्यक्ष तथा माणिकचंद ग्रुप ऑफ इंडस्ट्रीजचे सर्वेसर्वा रसिकलाल एम धारीवाल यांचा जन्मदिन सलग ८ वर्षांपासून रक्तदान शिबिराने साजरा करण्यात येतो . या वर्षी त्यांच्या जन्मदिनानिमित्त आयोजित रक्तदान शिबिरामध्ये २०० पेक्षा अधिक रक्तदात्यांनी आपले अमूल्य रक्तदान केले . या कार्यक्रमासाठी श्री हरिहरन सुब्रमणी प्रसिद्ध गायक यांनी कार्यक्रम स्थळी भेट दिली व शुभेच्छा दिल्या. श्री रसिकलाल धारिवाल यांच्या जन्मदिनाच्या अनुषंगाने फाउंडेशनच्या माध्यमातून “ १०० मोतीबिंदूची मोफत शस्त्रक्रिया” एच व्ही देसाई आय हॉस्पिटल येथे पार पडली. यापुढे प्रत्येक महिन्यात १०० मोतीबिंदूच्या शस्त्रक्रिया आर एम डी फाउंडेशनच्या माध्यमातून मोफत करण्यात येईल अशी माहिती शोभाताई यांनी दिली. माढा वेल्फेअर फाउंडेशन निमगाव सोलापूर येथे उभारण्यात येत असलेल्या शोभा धारीवाल मुक्तांगण शेतकरी प्रशिक्षण केंद्राद्वारे” शेतीवर व बिगर शेतीवर आधारित वर्षभर विविध प्रशिक्षण आयोजित केल्या जाणार आहे अशी माहिती संस्थेचे उपस्थित पदाधिकारी यांनी दिली . यावेळी त्यांच्यासह आलेल्या २५ सदस्यांनी रक्तदान केले. या प्रसंगी कुडची बेळगांव कर्नाटक येथे आर एम डी फाउंडेशन च्या माध्यमातून उभारण्यात आलेल्या “सौ शोभाताई इंग्रजी माध्यमिक शाळेच्या” पदाधिकाऱ्यांनी व शिक्षक, मुख्याध्यापक यांनी शोभाताईंचे आभार मानले व त्यांचा सत्कार करण्यात आला. शाळेच्या २० कर्मचाऱ्यांनी यावेळी रक्तदान केले पुणे रिंग रोड प्रकल्पातील कापल्या जाणाऱ्या शेकडो वृक्षांना “ट्री ट्रान्सप्लान्टेशन ” च्या माध्यमातून वाचविण्याचे कार्य फाऊंडेशन द्वारा सुरु केलेले आहे अशी माहिती जान्हवी धारीवाल बालन यांनी दिली व या उपक्रमासाठी समाजातील प्रत्येकाने यथायोग्य सहकार्य करून वृक्षवाचविण्यासाठी सहकार्य करावे असे आवाहनही यावेळी केले. त्याच प्रमाणे वृद्धेश्वर सिद्धेश्वर या प्राचीन मंदिराचे जीर्णोध्दार केल्या बद्दल मंदिराच्या वतीने शोभाताईंचे आभार मानण्यात आले व त्यांचा सत्कार करण्यात आला. सकाळी आठ वाजता सुरू झालेले रक्तदान शिबिर सायंकाळी सात वाजेपर्यंत चालू होते.

Newsworldmarathi Pune : पुनित बालन ग्रुप तर्फे पुण्यातील गणपती मंडळ, नवरात्र मंडळ, ढोल-ताशा पथकांच्या संघांचा समावेश असलेल्या चौथे पर्व ‘फ्रेंडशिप करंडक’ क्रिकेट अजिंक्यपद स्पर्धेचे आयोजन करण्यात आले आहे. ही स्पर्धा दि. ४ ते ९ मार्च २०२५ या कालावधीत होणार असून स्पर्धेत विविध मंडळांचे २४ संघ सहभागी होणार आहेत. या स्पर्धेबाबत अधिक माहिती देताना पुनित बालन ग्रुपचे संचालक पुनित बालन यांनी सांगितले की, सार्वजनिक गणपती, नवरात्र मंडळे तसेच ढोल-ताशा पथकांचा समावेश असलेली ही नाविन्यपूर्ण क्रिकेट स्पर्धा ठरली आहे. स्पर्धेला माणिकचंद ऑक्सिरीच यांचे प्रायोजकत्व लाभले आहे. स्पर्धेचे हे सलग चौथे पर्व आहे. गणपती मंडळ, नवरात्र मंडळ, ढोल-ताशा पथकांचे २४ निमंत्रित संघ एकत्रितपणे या क्रिकेट स्पर्धेत भाग घेतात आणि हेच या स्पर्धेचे मुख्य वैशिष्ट्य आहे. या वर्षी स्पर्धेमध्ये आठ नवीन संघांना खेळण्याची संधी देण्यात आली असून स्पर्धेमध्ये विजेतेपदासाठी अधिक चुरस दिसणार आहे. पुण्यातील श्री कसबा गणपती मडळ, श्री तांबडी जोगेश्वरी मंडळ, गुरुजी तालिम मंडळ, श्री तुळशीबाग गणपती मंडळ या मानाच्या गणपती मंडळांसह श्रीमंत भाऊसाहेब रंगारी गणपती ट्रस्ट, अखिल मंडई मंडळ, श्रीमंत दगडुशेठ हलवाई गणपती मंडळ, होनाजी तरुण मंडळ, जनार्दन पवळे संघ, साई गणेश मंडळ विश्रामबाग मित्र मंडळ हे सहभागी होणार असून महालक्ष्मी मंदिर ट्रस्ट, सूर्योदय प्रतिष्ठान या नवरात्र मंडळांसोबत युवा वाद्य ,श्रीराम, शिवमुद्रा, नादब्रह्म सर्ववादक,समर्थ, रमणबाग, नादब्रह्म ट्रस्ट, गजर,नुमवी, शिवतेज,आदी वादक पथकांच्या क्रिकेट संघांचा स्पर्धेत समावेश आहे. या स्पर्धेचे सामने सहकारनगर येथील ल.रा. शिंदे हायस्कूल येथील मैदानावर होणार आहेत. साखळी आणि बाद फेरीमध्ये होणार्‍या स्पर्धेत २४ संघांपैकी अव्वल ८ संघ बाद फेरीमध्ये प्रवेश करणार आहेत. रंगारी रॉयल्स्, दगडुशेठ वॉरीयर्स, गुरुजी तालिम टायटन्स्, मंडई मास्टर्स, साई पॉवर हिटर्स, जोगेश्वरी जॅग्वॉर्स, कसबा सुपरकिंग्ज्, गरूड स्ट्रायकर्स, तुळशीबाग टस्कर्स, महालक्ष्मी मॅव्हरीक्स्, शिवमुद्रा ब्लास्टर्स, नादब्रम्ह ड्रमर्स, श्रीराम पथक, नादब्रह्म सर्ववादक, युवा योद्धाज्, सुर्योदय राईझर्स, जनादर्न जायंट्स, नुमवी स्टॅलियन्स्, भगतसिंग लिजंड्स, विश्रामबाग नाईट्स, समर्थ चॅलेंजर्स, एच.टी.एम. टायगर्स, गजर सुपरनोव्हाज्, रमणबाग फायटर्स असे २४ निमंत्रित संघ स्पर्धेत सहभागी झाले आहेत. विजेत्या संघाला २ लाख ११ हजार रूपये व करंडक तर, उपविजेत्या संघाला १ लाख ११ हजार रूपये आणि करंडक मिळणार आहे. या शिवाय स्पर्धेत वैयक्तिक पारितोषिकेही देण्यात येणार आहेत. मालिकेचा सर्वोत्कृष्ट खेळाडू याला ५१ हजार रूपये आणि इलेक्ट्रिक बाईक देण्यात येणार आहे. ‘फेअर प्ले’ पुरस्कार जिंकणार्‍या संघाला २५ हजार रूपयांचे रोख पारितोषिक मिळणार आहे. याबरोबरच स्पर्धेतील सर्वोत्कृष्ट फलंदाज, गोलंदाज, यष्टीरक्षक आणि क्षेत्ररक्षक यांना प्रत्येकी ११ हजार रूपये आणि सन्मानचिन्ह देण्यात येणार आहे. तसेच प्रत्येक सामन्याचा सर्वोत्कृष्ट खेळाडू ठरणार्‍या खेळाडूला रोख पाच हजार रूपये अशी पारितोषिकांची रेलचेल या स्पर्धेत असणार आहे. गतवर्षी (२०२४) साई पॉवर हिटर्स संघाने विजेतेपद तर, शिवमुद्रा ब्लास्टर्स संघाने उपविजेतेपद पटकावले होते.

Newsworldmarathi Pune : दिलीप वेडेपाटील यांच्या नेतृत्वाखाली बावधन-कोथरूड सांस्कृतिक महोत्सव हा केवळ मनोरंजनासाठी नव्हे, तर कला, साहित्य, संगीत आणि विचारांना चालना देणारा एक भव्य उपक्रम ठरला आहे. त्यांनी नवोदित कलाकारांना संधी दिली, सामाजिक क्षेत्रात कार्य करणाऱ्या व्यक्तींचा सन्मान केला आणि या महोत्सवाच्या माध्यमातून महाराष्ट्राच्या संस्कृतीला अधिक बळ दिले असे प्रतिपादन महसूल मंत्री चंद्रशेखर बावनकुळे यांनी व्यक्त केले. छत्रपती संभाजी महाराज क्रीडांगण, बावधन, एल. एम. डी. चौक, पुणे येथे आयोजित बावधन-कोथरूड सांस्कृतिक महोत्सव 2025 मोठ्या उत्साहात आणि भव्य स्वरूपात संपन्न झाला. यावेळी ते बोलत होते. बावधन-कोथरूड भूषण पुरस्कार प्रदान महोत्सवात ‘बावधन-कोथरूड भूषण पुरस्कार’ प्रदान करण्यात आला. महसूल मंत्री चंद्रशेखर बावनकुळे,खासदार सुनेत्रा अजितदादा पवार, सरसंघचालक रवींद्र वंजारवाडकर, खासदार मेधा कुलकर्णी, तसेच मा. नगरसेविका मोनिका मुरलीधर मोहळ यांच्या उपस्थितीत विविध क्षेत्रातील मान्यवरांचा सन्मान करण्यात आला. यामध्ये ज्येष्ठ पत्रकार भाऊ तोरसेकर, सुप्रसिद्ध सिनेअभिनेते प्रवीण तरडे, तालयोगी तबलावादक पं. सुरेश तळवलकर, महाराष्ट्र केसरी पै. पृथ्वीराज मोहळ, ज्येष्ठ साहित्यिक सदानंद मोरे यांना देण्यात आला. पुरस्कार स्वीकारताना भाऊ तोरसेकर आणि प्रवीण तरडे यांनी महोत्सवाच्या भव्य आयोजनाचे विशेष कौतुक केले. संयोजक दिलीप वेडेपाटील यांनी उपस्थितांचे आभार मानले. महोत्सवाच्या आयोजनात चेलाराम हॉस्पिटल, आर्यन ग्रुप ऑफ कंपनीज, सुराणा संघवी कन्स्ट्रक्शन्स, वाईस कंस्ट्रक्शन, न्याती कन्स्ट्रक्शन्स आणि के पुणे यांचा मोलाचा सहभाग होता. यावेळी भाजपा प्रदेश महामंत्री राजेशजी पांडे, खासदार मेधा कुलकर्णी, आमदार विक्रांत पाटील, आमदार शंकरभाऊ मांडेकर, तसेच ज्येष्ठ पत्रकार, साहित्यिक, कलाकार आणि नागरिक मोठ्या संख्येने उपस्थित होते.

Newsworldmarathi Pune : आज दुपारी अडीच वाजण्याच्या सुमारास एरंडवणा अग्निशमन केंद्र येथे ड्युटीस असणारे फायरमन राहुल वाघमोडे हे आपली सकाळची शिफ्ट संपवून मोशी येथे आपल्या दुचाकीवर घरी जात असताना बाजीराव रस्ता येथील हिराबाग चौक येथे त्यांनी एका सीएनजी असणाऱ्या पीएमपीएमएल बसमधून (हडपसर – भेकराईनगर) पाठीमागील बाजूस काही प्रमाणात आग लागली असल्याचे व धुर ही येत असल्याचे पाहताच त्यांनी लगेचच ही घटना त्वरीत अग्निशमन दल नियंत्रण कक्षास कळवली. त्याचवेळी घटनेचे गांभीर्य लक्षात घेत तातडीने प्रथमत: बसमधील प्रवाशांना वाहनचालक तसेच वाहक यांच्या मदतीने सुरक्षित बाहेर घेत अग्निरोधक उपकरण (फायर एक्स्टिंग्युशर) बसमधून घेऊन त्याचा वापर करीत पाचच मिनिटात आग पुर्ण विझवून पुढील अनर्थ टाळला. बस व प्रवासी यांचे आगीमध्ये होणारे मोठे नुकसान ही टाळत आपले कर्तव्य चोख बजावले. अग्निशमन दलाचे जवान राहुल वाघमोडे यांनी तत्परतेने केलेल्या कार्यवाहीचे तेथे असलेले बसमधील प्रवासी, नागरिक व पीएमपीएमएलचे कर्मचारी यांनी फायरमन वाघमोडे यांच्या उत्तम कामगिरीचे कौतुक करीत अग्निशमन दलाचे ही आभार मानले.

Newsworldmarathi Pune : कॅम्प भागातील फ्रीमेसन्स हॉल आज सर्वसामान्य नागरिकांसाठी उघडला गेला होता. यानिमित्ताने विविध क्षेत्रातील नागरिकांनी “ओपन हाऊस” कार्यक्रमाचा लाभ घेतला. मॅसोनिक लॉजेस ही एक अशी संघटना आहे जी त्या पुरुषांची असते जे एक सर्वोच्च शक्तीवर विश्वास ठेवतात आणि आत्मसुधारणेसाठी चिंतन करण्याची इच्छा बाळगतात. फ्रीमेसनरीच्या विविध पैलूंवर लेस्ली विल्सन लॉजच्या सदस्यांनी उत्कृष्ट मार्गदर्शन केले. त्यानंतर एक प्रश्नोत्तर सत्र पार पडले, ज्यामध्ये फ्रीमेसनरीबाबत उपस्थितांच्या शंका दूर करण्यात आल्या. इंग्लंडच्या युनायटेड ग्रँड लॉजच्या अंतर्गत दी लेस्ली विल्सन लॉज नं ४४८० यांच्या वतीने सदर ओपन हाऊसचे आयोजन करण्यात आले  होते. कार्यक्रमाच्या दरम्यान एक मोफत डोळ्यांची तपासणी शिबिरही आयोजित करण्यात आले होते, ज्याचा नागरिकांनी लाभ घेतला. फ्रीमेसनरीचे अस्तित्व हजारो वर्षांपासून आहे आणि त्याचे लेखी पुरावे मागील ५०० वर्षांहून अधिक काळ उपलब्ध आहेत. अमेरिकेचे अनेक राष्ट्रपती, राजे व राजघराणे तसेच जगप्रसिद्ध व्यक्तिमत्वे जसे जॉर्ज वॉशिंग्टन, मोझार्ट, सर विंस्टन चर्चिल, मार्क ट्वेन हे सर्व फ्रीमेसन होते. तसेच भारतातील अनेक मोठे उद्योजक, व्यवसायिक, व्यवस्थापकीय संचालक, चित्रपटसृष्टीतील प्रसिद्ध व्यक्तिमत्त्व, डॉक्टर, वकील आणि उच्च दर्जावर कार्यरत अधिकारी,  व्यावसायिक यांचा या समुदायामध्ये समावेश आहे. काही प्रसिद्ध भारतीय फ्रीमेसन्समध्ये स्वामी विवेकानंद, फिरोजशाह मेहता, पंडित मोतीलाल नेहरू, सर दोराबजी जमशेदजी टाटा, डॉ. सी. राजगोपालाचारी, सर सुलतान मोहम्मद शाह आगा खान, महाराजा दुलीप सिंग, महाराजा जिवाजी राव सिंदिया, अभिनेते डेव्हिड अब्राहाम, क्रिकेटपटु मन्सुर अली खान पतौडी यांचा समावेश होतो. फ्रीमेसनरीबाबत अधिक माहिती मिळवण्यासाठी, कृपया www.dglbombay.in या वेबसाइटला भेट द्या.

Newsworldmarathi Pune : केस गळती ही आज केवळ सौंदर्याचा नव्हे, तर आत्मविश्वासाचा मोठा मुद्दा बनली आहे. अलीकडच्या काळात तरुणांसाठी ही समस्या गंभीर बनत चालली असल्याचे मत सिनेअभिनेत्री सई ताम्हणकर यांनी व्यक्त केले .ला डेन्सिटे या संस्थेच्या तज्ज्ञ डॉक्टरांच्या मदतीने १०,००० हून अधिक यशस्वी शस्त्रक्रिया केल्यानिमित्त दर गुरुवारी सर्वांसाठी मोफत सल्ला व मार्गदर्शन योजना शुभारंभ व नववी शाखा उद्घाटन समारंभ पार पडला त्यावे ताम्हणकर बोलत होत्या. पुण्यातील महिलांनी व तरुणांनी या योजनेचा लाभ घेण्याचे आवाहन सई ताम्हणकर यांनी यावेळी केले. अभिनेता प्रसाद ओक यांनी केसांची निगा राखण्यासाठी आहार व पाणी या बाबी महत्त्वाच्या असल्याचे निदर्शनास आणून दिले .क्रिकेटर अशोक धिंडा यांनी आपण केस गळतीचे कसे शिकार झालो यांबाबत अनुभव सांगितले .तसेच आपली ही केसांची शस्त्रक्रिया झाल्याचे सांगितले व योग्य वेळी केसांची निगा राखण्याचे उपस्थितांना सांगितले . या कार्यक्रमाचे आयोजक ,ला डेन्सिटे चे संस्थापक डॉ.गजानन जाधव यांनी संस्थेची माहिती सांगितली .तसेच आम्ही सुरू केलेल्या योजनेला पुणेकरांनी मोठ्या प्रमाणात प्रतिसाद देण्याचे आवाहन केले. या उद्घाटन समारंभास सिनेअभिनेते प्रसाद ओक,अभिनेत्री सई परांजपे,क्रिकेटर अशोक धिंडा,डॉ.गजानन जाधव ,उपस्थित होते.

Newsworldmarathi Mumbai : मुख्यमंत्री देवेंद्र फडणवीस यांनी राज्यातील २४ चेकपॉईंट १५ एप्रिलपर्यंत बंद करण्याचे निर्देश परिवहन विभागाला दिले आहेत. रविवारी परिवहन भवनाच्या भूमिपूजन कार्यक्रमात त्यांनी ही घोषणा केली. देशभरात जीएसटी लागू झाल्यामुळे सीमा तपासणी नाक्यांचे महत्त्व कमी झाले आहे, असे ते म्हणाले. भविष्यात व्यापारवृद्धी आणि मालवाहतुकीला चालना देण्यासाठी चेकपॉईंट बंद करणे आवश्यक आहे. त्यामुळे, १५ एप्रिलपर्यंत या संदर्भातील प्रस्ताव सादर करावा, असे मुख्यमंत्री फडणवीस यांनी सांगितले. मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्या हस्ते परिवहन भवनाचे भूमिपूजन झाले. यावेळी परिवहन मंत्री प्रताप सरनाईक उपस्थित होते. येत्या अडीच वर्षांत म्हणजे २०२७ च्या मध्यापर्यंत या भवनाचे काम पूर्ण करण्यात येणार आहे. फेसलेस सेवांचे लोकार्पण : मुख्यमंत्र्यांनी हलक्या व्यावसायिक वाहनांची डीलर पॉईंट नोंदणी आणि हायपोथेकेशन टर्मिनेशनला स्वयंचलित मान्यता देणाऱ्या २ फेसलेस सेवांचे लोकार्पण केले. शासनाने ‘मेटा’सोबत करार केला असून, येत्या काळात ५०० सेवा व्हॉट्सॲपवर मिळणार आहेत, ज्यात आरटीओच्या ४५ फेसलेस सेवांचाही समावेश असेल. राज्यात स्वयंचलित वाहन तपासणी केंद्र (एटीएस), स्वयंचलित चालक चाचणी केंद्र (एडीटीटी), एकात्मिक वाहतूक व्यवस्थापन प्रणाली (आयटीएम) यांसारख्या आधुनिक तंत्रज्ञानाच्या साहाय्याने चालकांना अद्ययावत करणे गरजेचे आहे, असे मुख्यमंत्री म्हणाले. रस्ते अपघातांचे प्रमाण कमी करण्यासाठी आरटीओने नागरिकांचे प्रबोधन आणि शिक्षण करण्याचे आव्हान परिवहन विभागाने स्वीकारले पाहिजे.

Newsworldmarathi Pune : विश्वकर्मा विद्यापीठ पुणे सादर करत असलेली  शाळा आणि ज्युनियर कॉलेज विद्यार्थ्यांसाठी आयोजित भारतातील सर्वात मोठी रोबोटिक्स स्पर्धा ‘फर्स्ट टेक चॅलेंज इंडिया चॅम्पियनशिप २०२४-२५’  श्री शिव छत्रपती क्रीडांगण  पुणे येथे मोठ्या उत्साहात सुरू आहे. आज या स्पर्धेत पुणे महापालिकेच्या विद्यायनिकेतन शाळांमधील सुमारे दीड हजार विद्यार्थ्यांनी रोबोटिक्स विश्वाचा अनोखा अनुभव घेतला.  फर्स्ट टेक चॅलेंज इंडिया चॅम्पियनशिप २०२४ =२५ या स्पर्धेती भारतातील विविध ६० शहरांसाह कझाकस्तान, श्रीलंका, युएई येथून ६ आंतरराष्ट्रीय संघ सहभागी झाले आहेत. या रोबोटिक्स स्पर्धेचे अनोखे विश्व जाणून घेण्यासाठी  पुणे महापालिकेच्या  विद्य निकेतन शाळांमधील सुमारे 1,500 विद्यार्थ्यांना आज शिक्षकांच्या सोबत या चॅम्पियनशिप अनुभवण्याची अनोखी संधी मिळाली. विद्यार्थ्यांनी लाईव्ह रोबोटिक्स मॅचेस पाहिल्या, जिथे देशभरातील टॉप टीम्स उच्च-ऊर्जा, धोरणात्मक खेळांमध्ये प्रतिस्पर्धा करत होत्या. धमाकेदार मॅचेसशिवाय, विद्यार्थ्यांनी सहभाग घेतलेल्या टीम्सद्वारे विविध नवकल्पनांचे प्रदर्शन पाहिले. यामुळे त्यांना रोबोटिक्स, ऑटोमेशन आणि समस्यांच्या सोडवणुकीच्या तंत्रज्ञानांची माहिती मिळाली. तंत्रज्ञानातील कौशल्य, टीमवर्क आणि सर्जनशीलतेने प्रभावित झालेल्या विद्यार्थ्यांनी रोबोटिक्स आणि STEM (विज्ञान, तंत्रज्ञान, अभियांत्रिकी आणि गणित) क्षेत्रांबद्दल उत्साह व्यक्त केला. यामुळे भविष्यातील करियरच्या दृष्टीने त्यांना एक नवा प्रेरणा मिळाला. सर्व विद्यार्थ्यांना आणि शिक्षकांना आरामदायक आणि आनंददायी अनुभव देण्यासाठी ICIT, सावित्रीबाई फुले पुणे विद्यापीठ (SPPU) यांच्या सौजन्याने रिफ्रेशमेंट  उपलब्ध करून दिल्या. विद्यार्थ्यांनी चॅम्पियनशिपमध्ये वेळ घालवला आणि हा कार्यक्रम केवळ शैक्षणिकच नाही तर प्रेरणादायी आणि आकर्षक ठरला. फर्स्ट टेक चॅलेंज इंडिया चॅम्पियनशिप हा एक अभिनव मंच ठरला आहे, ज्यामुळे युवा मनांना रोबोटिक्स आणि नवकल्पनांच्या जगात प्रवेश मिळतो आणि भविष्यातील तंत्रज्ञ नेतृत्व तयार होईल. या उपक्रमाच्या यशस्वी आयोजनासाठी पुणे महापालिका, सावित्रीबाई फुले पुणे विद्यापीठ यांच्यासह विविध संस्था कार्यरत आहेत.