News World Marathi© 2024 Newsworld मराठी बाह्य इंटरनेट साइट्सच्या सामग्रीसाठी आम्ही जबाबदार नाही. बाह्य लिंक्सबद्दल आम्हाल काय वाटतं? इथे वाचा. बाह्य लिंक्सबद्दल आम्हाल काय वाटतं? इथे वाचा.

Newsworldmarathi Pune : आज सर्वच क्षेत्रामध्ये महिलांना आघाडी घेतली आहे आजच्या आंतरराष्ट्रीय उद्योजकता परिषदेत महिलांचे संख्या मोठ्या प्रमाणात दिसत आहे त्यामुळे आता महिला उद्योजिकांचे युग सुरू झाल्याचे राज्याचे उच्चभ्रू तंत्र शिक्षण मंत्री चंद्रकांत पाटील म्हणाले .ते उद्योजकता परिषदेत बोलत होते .यावेळी पिंपरी चिंचवड विद्यापीठाने हा कार्यक्रम यशस्वी करून शिक्षण क्षेत्रात एक नवा आदर्श निर्माण केल्याचे त्यांनी सांगितले . पुढे ते म्हणाले की आज भारत देशाकडे जगातील गुंतवणुकीचा ३७ टक्के वाटा आहे .त्यामुळे जगातील सर्व कंपन्या गुंतवणुकुसाठी आपल्याकडे येतात .याच गोष्टीचा विचार आता नव्याने उद्योजक होणाऱ्या पिढीने करून यामध्ये आपले स्थान निर्माण करावे असे पाटील यांनी आवाहन केले . या सत्रात बिल्डिंग मीनिंगफुल पार्टनरशिप बिटविन युनिव्हर्सिटी एंड बिझनेसस ऑर्गनायझेशन या विषयावर महत्त्वपूर्ण असे आंतराष्ट्रीय चर्चासत्र झाले त्याला जगभरातील शंभरहून अधिक मान्यवर सहभागी झाले होते .यावेळी उपस्थितांनी उस्फूर्त असा प्रतिसाद दिला. यावेळी बीव्हीजी ग्रुपचे अध्यक्ष हनुमंत गायकवाड यांनी आपल्या आयुष्यात उद्योजक होण्यासाठी केलेला संघर्ष सांगून नवीन उद्योजकांना प्रोत्साहन देत मार्गदर्शन केले . दुबई प्रशासनातील अधिकारी सोमनाथ पाटील यांनी दुबईतील उद्योग विश्वाची माहिती उपस्थितांना दिली. समतोलाचा सत्रात सहभागी नव उद्योजकांसाठी त्यांच्या उद्योजकीय संकल्पनांना वाव मिळण्यासाठी स्पर्धा आयोजित केली होती त्यानुसार एकूण तीन विभागात ९ संघ विजयी करण्यात आले त्यांना एक लाख ,पन्नास हजार आणि पंचवीस हजार अशी अनुक्रमे बक्षिसे देऊन प्रोत्साहन देण्यात आले . दोन दिवसाच्या या परिषदेत सावित्रीबाई फुले पुणे विद्यापीठाचे कुलगुरू सुरेश गोसावी,डॉ.अभय जेरे,समीर मैत्रगोत्री हॉर्वर्ड विद्यापीठ अमेरिका,डॉ.विनोद मोहितकर संचालक तंत्रशिक्षण विभाग महाराष्ट्र शासन,शैलेंद्र देवळणकर संचालक उच्च शिक्षण महाराष्ट्र शासन,नील फिलिप सिटी विद्यापीठ न्यूयॉर्क,डॉ.प्रणिता सेन आदि मान्यवर विचारवंत आणि तज्ञ मार्गदर्शकानी विविध विषयावर उपस्थित उद्योजकांना मार्गदर्शन केले . आंतरराष्ट्रीय उद्योजकता परिषदेच्या समारंभास माहिती तंत्रज्ञान क्षेत्रातील गणेश नटराजन ,सिंगापूरचे उद्योजक आनंद गोविंदलूरी,डॉ.राजेंद्र जगदाळे ,पिंपरी चिंचवड ट्रस्ट चे अध्यक्ष राहुल काळभोर,कार्यकारी संचालक गिरीश देसाई ,संयोजक सचिन इटकर यासह देशातील आणि प्रदेशातील प्रमुख वक्ते आणि सहभागी उद्योजक उपस्थित होते.

Newsworldmarathi Pune : के जी टू पि जी शिक्षणात प्राथमिक शाळेपासून काॅलेजपर्यंत शिकवणे त्या तुलनेने सोपे आहे मात्र तीन ते पाच वर्षाच्या चिमूरड्यांना सांभाळत आयुष्यभराचे संस्कार करणे तितकेसे सोपे नाही. शिवाय मानधनात तफावत असूनही भविष्यातील आदर्श नागरिक खऱ्या अर्थाने बालवाडीत घडतात. तीन ते पाच वर्षात मेंदूचा विकास अधिक गतीने होत असल्याने बालवर्गात समृद्ध अनुभव देणे महत्त्वाचे असते. हे अनुभव बालवाडी शिक्षिका खूप कष्टाने आणि प्रयत्नपूर्वक देत आहेत असे प्रतिपादन बॅ नाथ पै संस्कार केंद्र आयोजित बाल अभिनय गीत स्पर्धेच्या बक्षीस वितरण प्रसंगी अध्यक्षीय मनोगतात ॲड संपत कांबळे यांनी केले. स्वातंत्र्यसैनिका स्व विमलताई गरुड यांनी ४५ वर्षांपूर्वी बालचमूंना व्यासपीठ मिळावे या हेतूने या स्पर्धा सुरू केल्या. या वर्षी या स्पर्धेत पुणे व पिंपरी चिंचवड परिसरातील २० बालवाडी संघ स्पर्धेत उतरले होते. संस्कारक्षम अशी बहारदार गीते स्वतः रचत संबंधित शाळेतील शिक्षिकांनी सादर केली. यावेळी प्रमुख पाहुणे म्हणून बांधकाम व्यावसायिक सुदर्शन इंगळे, उद्योजक क्रिष्णा आरगुळा, अंजली अरगुळा, मिलिंद पानसरे, महादेव खंडागळे उपस्थित होते. बालवर्गातील हे बालचमू एवढ्या उत्तम पद्धतीने गीत सादर करु शकतात त्याबद्दल क्रिष्णा आरगुळा यांनी आश्चर्य व्यक्त केले. महादेव खंडागळे यांनी शिक्षिकांना भावी शैक्षणिक समृद्धीसाठी तयार राहण्याचे आवाहन केले. बॅ नाथ पै संस्कार केंद्राच्या वतीने दरवर्षी बालवाडी क्षेत्रात उल्लेखनीय काम करणाऱ्या शिक्षिकांस गुणवंत शिक्षिका पुरस्कार प्रदान करण्यात येतो.त्या पुरस्काराचे मानकरी शिरिष कुमार बालक मंदीर हडपसरच्या मनिषा पवार व ज्ञानेश पूर्वप्राथमिक शाळा बालाजीनगरच्या वृषाली देशपांडे या ठरल्या. यावेळी राष्ट्र सेवादलाचे निष्ठावंत कार्यकर्ते दिवंगत सलीम शेख यांच्या स्मृतिप्रीत्यर्थ कॅलेंडर प्रकाशन केले गेले यावेळी व्यासपीठावर सचिव सोपान बंदावणे, शिवाजी खांडेकर, मीना काटे,रजनीताई धनकवडे,मंगला कांबळे,तुकाराम कदम उपस्थित होते.. कार्यक्रमाचे स्वागत प्रास्ताविक कोषाध्यक्ष प्रा भगवान कोकणे यांनी केले. सूत्रसंचालन विठ्ठल शेवते,शीतल खेडकर यांनी केले,आभार महादेव हेरवाडकर यांनी मानले.कार्यक्रम यशस्वी करण्यासाठी संजय ससे, तेजस्विनी फुलफगर, संगिता गोवळकर, मोनिका पोटे, शीतल रूपनूर ,लक्ष्मी कांबळे, नवनाथ लोंढे, प्रकाश कदम निशा नाईकनवरे यांनी परिश्रम घेतले.स्पर्धेचे परीक्षण विश्वास पांगारकर,निधी घारे, जलाल सय्यद यांनी केले. स्पर्धेचा निकाल प्रथम : हिंदुस्थान ॲंटीबायोटीक्स स्कूल पूर्वप्राथमिक शाळा , पिंपरी,पुणे. द्वितीय : ज्ञानेश पूर्वप्राथमिक शाळा बालाजीनगर, पुणे तृतीय : महेश्वरी प्रांगण प्री स्कूल धायरी , पुणे तृतीय विभागून – वनाझ परिवार विद्यामंदिर पूर्व प्राथमिक विभाग कोथरूड पुणे. स्वरचित १) सविता लोखंडे ( हिंदूस्थान ॲंटीबायोटीक्स स्कूल, पूर्वप्राथमिक २) रविंद्र यादव ( आशापुष्प बालक मंदिर,नर्हेगाव,पुणे)

Newsworldmarathi Pune : राज्यातील सर्व कुलगुरूंची बैठक घेऊन सायबर सुरक्षेबाबत अल्पकालीन अभ्यासक्रम तयार करण्यासह सर्व विद्यापीठात राबविण्यात येईल, असे प्रतिपादन राज्यपाल सी. पी. राधाकृष्णन यांनी केले. हे अभ्यासक्रम राबविल्यामुळे सायबर योद्ध्यांची एक नवीन पिढी तयार होईल, असेही ते म्हणाले. ‘सायबर शिक्षा फॉर सायबर सुरक्षा अवॉर्ड्स’ कार्यक्रमात ते बोलत होते. यावेळी पुण्यश्लोक अहिल्यादेवी होळकर सोलापूर विद्यापीठाचे कुलगुरू डॉ. प्रकाश महानवर, महाराष्ट्र सायबरचे उप महानिरीक्षक संजय शिंत्रे, क्विक हील फाउंडेशनच्या अध्यक्षा अनुपमा काटकर, क्विक हील टेक्नॉलॉजीस लि. चे अध्यक्ष आणि व्यवस्थापकीय संचालक डॉ. कैलास काटकर, सह व्यवस्थापकीय संचालक डॉ. संजय काटकर, मुख्य कार्यकारी अधिकारी विशाल साळवी, विविध महाविद्यालयांचे प्राचार्य, प्राध्यापक, विद्यार्थी उपस्थित होते. स्वामी विवेकानंदांना जयंतीनिमित्त अभिवादन करून राज्यपाल श्री. राधाकृष्णन म्हणाले, स्वामी विवेकानंदांची शिकवण लाखो लोकांना, विशेषतः तरुणांना, धैर्याने, शहाणपणाने आणि उद्देशाने नेतृत्व करण्यासाठी प्रेरणा देत आहे. त्यामुळे क्विक हील फाउंडेशनने आयोजित केलेल्या सायबर शिक्षा फॉर सायबर सुरक्षा पुरस्कारांमध्ये युवकांसोबत सामील होताना आनंद होत आहे. २०१६ पासून हा कार्यक्रम सुरू करून आतापर्यंत ५४ लाख लोकांपर्यंत सायबर सुरक्षेबद्दल जागरूकता केल्याबद्दल फाउंडेशन आणि क्विक हील टेक्नॉलॉजीसचे अभिनंदन करून राज्यपाल म्हणाले, फाउंडेशनने समाजातील आर्थिकदृष्ट्या कमकुवत घटकातील विद्यार्थ्यांना सहभागी करून घेण्यावर आणि सायबर-सुरक्षित समाज निर्माण करण्यासाठी त्यांना सक्षम करण्यावर लक्ष केंद्रित केले आहे. या फाउंडेशन बरोबर जोडले जाऊन तळागाळापर्यंत काम केलेले सर्व ‘सायबर वॉरियर्स’ कौतुकास पात्र आहेत. ते पुढे म्हणाले, सायबर सुरक्षा ही भारतासह जगभरातील सर्वात गंभीर चिंतांपैकी एक म्हणून उदयास आली आहे, आज आपण पेमेंट स्वीकारण्यासाठी आणि करण्यासाठी डिजिटल तंत्रज्ञानावर अधिकाधिक अवलंबून आहोत. अगदी अशिक्षित छोटा विक्रेता देखील डिजिटल पेमेंट स्वीकारतो. हे प्रधानमंत्री मोदी यांच्या संकल्पनेतून साकार झालेल्या तंत्रज्ञानाचे यश आहे. तंत्रज्ञान पुढे जात असताना चुकीचे काम करणारे लोकदेखील वाढत आहेत. तथापि, त्यांची साखळी तोडणे आणि त्यांना पकडण्याचे कामदेखील आपल्याला करावे लागणार आहे. आज सायबर गुन्हेगारीत स्थिर गतीने वाढ होत आहे. त्यामुळे प्रत्येकाला सायबर गुन्हेगारीचे ज्ञान असणे आवश्यक आहे. दुसऱ्या बाजूला सामान्य नागरिक त्याचा पैसा गमावणार नाही अशी यंत्रणा आपल्याला विकसित करावी लागेल. नुकसानीनंतर उपाययोजना करण्यापेक्षा नुकसानीला प्रतिबंध करण्याच्या आवश्यकतेवर राज्यपाल श्री. राधाकृष्णन यांनी भर दिला. शासनाच्या सायबर शाखेतील पोलीसांनाही अशा फाउंडेशनद्वारे सायबर गुन्हेगारीच्या विरोधात कसे काम करता येईल यासाठी संगणक यंत्रणेचे पुरेसे ज्ञान देण्यासाठी प्रशिक्षण देण्याची गरज आहे. सायबर गुन्हेगार अनेकदा इतर देशातून काम करत असल्यामुळे या आव्हानांना तोंड देण्यासाठी बहुआयामी दृष्टिकोन आवश्यक आहे. त्यामध्ये नवीन कायदे करण्यासह असलेली धोरणे अधिक मजबूत करणे, सायबरसुरक्षेत अधिक गुंतवणूक करणे, यासह जागरूकता पसरवण्यावर अर्थात तरुण आणि ज्येष्ठ नागरिकांना आणि विशेषत: विद्यार्थ्यांना सुरक्षित ऑनलाइन पद्धतींबद्दल शिक्षित करणे यावर भर द्यावा लागेल, असेही ते म्हणाले. अनुपमा काटकर म्हणाल्या, सायबर शिक्षा हा उपक्रम विद्यार्थ्यांना सक्षम करणे, आणि सर्वांच्या डिजिटल सुरक्षिततेसाठी त्यांना पुढे आणण्यासाठी राबविला आहे. हा उपक्रम केवळ सायबर सुरक्षेबाबत जागृती करण्यासाठीच नसून छोट्या शहरातील वंचित घटकातील विद्यार्थ्यांना एक आवाज देण्याचा, तेथील समाजघटकामध्ये या क्षेत्रात त्यांचे नेतृत्त्व तयार करण्याचा उपक्रम आहे. यावेळी सायबर शिक्षा फॉर सायबर सेक्युरिटी उपक्रमात उत्कृष्ट काम केलेले प्राचार्य, शिक्षक, विद्यार्थी यांना सायबर वॉरियर्स पुरस्कार वितरीत करण्यात आले.

Newsworldmarathi Pune : रिपाइं सर्वसमावेशक युवा नेतृत्व, निलेश आल्हाट यांच्या वाढदिवसानिमित्त व कालकतिथ सागर (चिंग्या ) सोनकांबळे यांच्या स्मरणार्थ भव्य रक्तदान शिबीर , शासन आपल्या दारी , व दुध वाटपाचे आयोजन करण्यात आले. रक्तदान शिबिरात एकूण 48 रक्तदात्यांनी सहभाग नोंदविला. यावेळी आल्हाट यांनी स्वतः रक्तदान करत वाढदिवस साजरा केला. मंगळवार पेठ येथे कार्यक्रम संपन्न झाला.कार्यक्रमाचे आयोजन रिपाइं (आठवले)शहर युवती आघाडी उपाध्यक्षा रिना आल्हाट यांनी केले. अभीष्टचिंतन सोहोळ्यात अनेक राजकीय,सामाजिक,सांस्कृतिक, शैक्षणिक आणि धार्मिक क्षेत्रातील मान्यवर व कार्यकर्ते उपस्थित होते.कार्यक्रम यशस्वी करण्यासाठी गोविंद साठे, प्रशांत म्हस्के, राज पडसाले ,प्रशांत वाघमारे, अमर कांबळे, लखण साबळे, रेहान शेख, जुबेर शेख, विजय गोंडणे,अभि मोझर, मयूर सुपेकर, संदीप वाघमारे, यांनी परिश्रम घेतले. तसेच शिबिर प्रसंगी रुबी हॉल क्लिनिक ब्लड सेंटरचे डॉक्टर व त्यांच्या कर्मचाऱ्यांचे सहकार्य लाभले.

Newsworldmarathi Baramati : सुप्रिया सुळे यांनी अंजनगाव येथील वीज उपकेंद्र उद्घाटनाच्या निमंत्रणाबाबत व्यक्त केलेली नाराजी हे प्रोटोकॉलचा भंग आणि नियोजनाच्या अभावाकडे लक्ष वेधणारे उदाहरण आहे. त्यांनी जिल्हाधिकाऱ्यांकडे याबाबत नाराजी व्यक्त केली आणि मुख्यमंत्र्यांकडे तक्रार करण्याचे संकेत दिले, हे त्यांच्या गंभीर भूमिकेचे निदर्शक आहे. कार्यक्रमासाठी ऐनवेळी दिलेले निमंत्रण हे त्यांच्या नियोजित दौऱ्यात बदल करणे कठीण करणारे ठरले, हे त्यांनी स्पष्टपणे मांडले. तरीही त्यांनी उद्घाटन कार्यक्रमाला उपस्थित राहून आपली जबाबदारी निभावली. मात्र, उद्घाटनानंतर सभेसाठी थांबण्याऐवजी पुढील दौऱ्यासाठी रवाना झाल्या, यावरून त्यांची अस्वस्थता दिसून येते. अंजनगाव वीज उपकेंद्राच्या उद्घाटन कार्यक्रमामुळे सुप्रिया सुळे आणि अजित पवार यांना एकाच व्यासपीठावर पाहण्याची संधी मिळाली, जी राजकीय वर्तुळात मोठ्या चर्चेचा विषय ठरली. लोकसभा निवडणुकीपासून ते विधानसभा निवडणुकीपूर्वीच्या काही मोजक्या शासकीय बैठकींपर्यंत, या दोघांमध्ये फारसे सार्वजनिक संवाद झालेले नव्हते. त्यामुळे बारामतीत त्यांचा हा पहिला सार्वजनिक एकत्रित कार्यक्रम महत्त्वाचा मानला जातो. कार्यक्रमात, सुळे या पवार यांच्या आगमनापूर्वीच पोहोचल्या आणि दोघांमध्ये केवळ नमस्कारापुरता संवाद झाला. त्यानंतर, त्यांनी उद्घाटनात सहभाग घेतला पण सभेसाठी थांबण्याऐवजी पुढील दौऱ्यासाठी रवाना झाल्या. या गोष्टीने या दोन नेत्यांमधील संबंधांच्या सध्याच्या स्थितीबद्दल विविध चर्चा रंगल्या आहेत. राजकीय दृष्टिकोनातून पाहता, सुप्रिया सुळे आणि अजित पवार यांच्या सार्वजनिक कार्यक्रमातील सहभागावर बारीक नजर ठेवली जाते, कारण हे दोघे सध्या वेगवेगळ्या रणनीतींवर काम करत आहेत. महाविकास आघाडीतील ताणतणाव, त्यांच्या वैयक्तिक आणि राजकीय भूमिकांमधील भिन्नता, तसेच बारामतीतील राजकीय स्थिती, हे सर्व या कार्यक्रमामुळे पुन्हा चर्चेत आले आहे. उद्घाटनाच्या निमित्ताने दोघे एकत्र दिसले असले तरी, त्यांच्यातील संवादाचा अभाव आणि कार्यक्रमानंतरचा वेगळा मार्ग यामुळे तणाव कायम असल्याचे संकेत मिळतात. हा प्रकार प्रशासन आणि लोकप्रतिनिधी यांच्यातील समन्वयाच्या उणीवेकडे लक्ष वेधतो. प्रोटोकॉलचे पालन आणि नियोजनाची वेळेवर माहिती मिळणे हे प्रभावी कामकाजासाठी महत्त्वाचे आहे, आणि अशा घटना भविष्यात टाळण्यासाठी संबंधित यंत्रणांनी अधिक काळजी घेणे गरजेचे आहे.

Newsworldmarathi Pune : राज्याचे पणन व राजशिष्टाचार मंत्री जयकुमार रावल यांनी देशाच्या माजी राष्ट्रपती प्रतिभाताई पाटील यांची त्याच्या पुण्यातील निवासस्थानी सदिच्छा भेट घेतली. त्या वेळी विविध विषयावर चर्चा झाली. मंत्री रावल हे दोन दिवसापासून पुणे दौऱ्यावर आहेत. पणन संचालनालय, महाराष्ट्र कृषी पणन मंडळ यांच्या कार्यालयात आढावा बैठक व अन्य शासकीय कार्यक्रमाच्या निमित्ताने ते पुणे दौऱ्यावर होते. दरम्यान त्यांनी माजी राष्ट्रपती प्रतिभाताई पाटील यांची भेट घेवून त्यांना शुभेच्छा दिल्या. तसेच रावल आणि माजी राष्ट्रपती प्रतिभाताई पाटील यांचे कौटुंबिक संबंध असल्याने जुन्या आठवणींना उजाळा देण्यात आला. यावेळी ताईंनी श्री. रावल यांचे राज्याचे कॅबिनेट मंत्री म्हणून निवड झाल्याबद्दल अभिनंदन केले व शुभेच्छा दिल्या.

Newsworldmarathi Pune : डॉ.संतोषकुमार पांडुरंग मस्तुद,एम.डी.एस, ए सी आय, प्राध्यापक, सेंटर इन्चार्ज, डीपीयु डेंटल इम्प्लांट सेंटर, डॉ.डी वाय पाटील डेंटल कॉलेज अँड हॉस्पिटल, पिंपरी, पुणे यांना दासना फाउंडेशन ,दासना नॅशनल हेल्थ एक्सलन्सी अवॉर्ड 2024 यांच्यातर्फे ‘एक्सलन्स इन डेंटल इम्प्लांटोलॉजी’अवॉर्ड देण्यात आला. दिल्ली येथे कॉन्स्टिट्यूशन क्लब हॉल येथे पार पडलेल्या कार्यक्रमात प्रमुख पाहुणे खासदार व सिने अभिनेता माननीय श्री. रवी किशन यांच्या हस्ते मान्यवराच्या उपस्थित देण्यात आला. दंतक्षेत्रातील डेंटल इम्प्लांट सर्जरी या विभागातील केलेल्या उत्कृष्ट कामाचे व सामाजिक कामाचे योगदान म्हणून हा राष्ट्रीय पुरस्कार,दिल्ली येथे देण्यात आला. डॉ.संतोषकुमार यांना विविध राष्ट्रीय पातळीवर पुरस्कार मिळाले आहेत. त्यांच्या या पुरस्काराबद्दल डॉ. डी. वाय. पाटील विद्यापीठाचे कुलपती डॉ. पी. डी. पाटील सर,प्र-कुलपती डॉ.भाग्यश्री पाटील, कुलगुरु डॉ. एन. जे. पवार ,प्र-कुलगुरु डॉ. स्मिता जाधव, विश्वस्त डॉ. सोमनाथ पाटील, विश्वस्त व खजिनदार डॉ. यशराज पाटील, कुलसचिव डॉ.जे.एस. भवाळकर, दंत महाविद्यालयाचे अधिष्ठाता डॉ.डी.गोपालाकृष्णनन आणि डॉ.परेश काळे आदी मान्यवरांनी त्यांचे अभिनंदन केले आहे.

Newsworldmartahi Pune : राज्याचे उच्च व तंत्रशिक्षण मंत्री चंद्रकांतदादा यांनी आज फर्ग्युसन महाविद्यालयात आयोजित इंडिया सायन्स फेस्टिव्हलमध्ये उपस्थित विद्यार्थ्यांची शाळा घेतली. तसेच, विद्यार्थ्यांना त्यांच्या कार्यक्षेत्रात  यशस्वी होण्यासाठी शिक्षणासोबतच प्रशिक्षणही अत्यंत महत्त्वाचे असल्याची भावना व्यक्त केली. फाउंडेशन फॉर ॲडव्हान्सिंग सायन्स अँड टेक्नॉलॉजीतर्फे (फास्ट इंडिया) ११ आणि १२ जानेवारी २०२५ रोजी इंडिया सायन्स फेस्टिव्हलचे आयोजित करण्यात आले आहे. फर्ग्युसन महाविद्यालयात होत असलेल्या या महोत्सवात वैज्ञानिक प्रयोगांसह विविध उपक्रम सादर होणार असून, विज्ञान क्षेत्रातील मान्यवर मार्गदर्शन करणार आहेत. या महोत्सवाचे उद्घाटन राज्याचे उच्च व तंत्रशिक्षण मंत्री चंद्रकांतदादा पाटील यांच्या हस्ते झाले. यावेळी त्यांनी उपस्थित विद्यार्थ्यांशी संवाद साधला. या महोत्सवात लोणावळा मधील कल्पना चावला स्पेस ॲकेडमीच्या विद्यार्थी देखील सहभागी झाले आहेत. या अकाडमीमध्ये देशभरातून २५ विद्यार्थीचीच निवड झाली असून; या विद्यार्थ्यांना अंतराळ क्षेत्रात सुरु असलेल्या संशोधनाचे शिक्षण दिले जाते. या विद्यार्थ्यांशी नामदार पाटील यांनी संवाद साधला. यावेळी युवराज गुप्ता या विद्यार्थ्यांला वर्षभरात घेतलेल्या शिक्षणाची माहिती घेतली.‌ त्यावर त्याने अतिशय आत्मविश्वासाने वर्षभरातील शिक्षणाची माहिती दिली. हे ऐकून समाधान व्यक्त करत,विद्यार्थ्यांना त्यांच्या कार्यक्षेत्रात  यशस्वी होण्यासाठी शिक्षणासोबतच प्रशिक्षणही अत्यंत महत्त्वाचे असल्याची भावना व्यक्त केली. यावेळी फास्ट इंडियाचे सह-संस्थापक वरुण अग्रवाल, माजी मुख्य वैज्ञानिक सल्लागार डॉ. के. विजय राघवन, फास्ट इंडियाचे सीईओ शील कपूर, चेअरमन डेक्कन एज्युकेशनचे प्रमोद रावत आदी उपस्थित होते.

Newsworldmarathi Pune : पुणे येथील प्रथम वर्ग न्यायाधीश अमोल श्रीराम शिंदे यांच्या न्यायालयात फिर्यादी सात्यकी सावरकर यांनी लोकसभेचे विरोधी पक्ष नेते श्री. राहुल गांधी यांनी लंडन येथील एका कार्यक्रमात विनायक सावरकर यांचे विषयी बदनामी होईल असे वक्तव्य केले होते. या प्रकरणी राहुल गांधी यांच्या विरोधात पुणे येथील न्यायालयात बदनामीचा फौजदारी खटला दाखल करण्यात आला आहे. बदनामीच्या खटल्यात राहुल गांधी यांना न्यायालया समोर आज व्यक्तीशः उपस्थित राहण्यासाठी न्यायालयाने सांगितले होते. राहुल गांधी यांचे वकील मिलिंद पवार यांनी राहुल गांधी यांच्या वतीने आज न्यायालयात अर्ज दाखल केला. राहुल गांधी हे विरोधी पक्ष नेते असून त्यांना हाय सिक्युरिटी आहे. अशा परिस्थितीत न्यायालय समोर स्वतः व्यक्तीच्या उपस्थित राहणे सर्वांनाच त्रासदायक होईल. सर्वोच्य न्यायालय, ऊच्च न्यायालयाच्या निर्देशा नुसार आरोपी व्हीडिओ काॅन्फरसिंग द्वारे न्यायालया समोर उपस्थितीत राहू शकतात आणि म्हणून राहुल गांधी यांना व्हिडिओ कॉन्फरन्सिंग या सुविधे वरून न्यायालयासमोर उपस्थित राहण्याची परवानगी मिळावी असा अर्ज राहूल गांधी यांचे वकील अ‍ॅड मिलिंद पवार यांनी न्यायालयात केला. तो अर्ज न्यायालयाने मंजूर केला. विरोधी पक्ष नेते राहुलजी गांधी यांच्या पुणे न्यायालय येथील आज त्यांच्या खटल्यात कोर्टाने जामीन मंजूर केला मा.आ.मोहन जोशी हे त्यांना जामीनदार राहिले. त्यानंतर राहूल गांधी यांना पुणे जिल्हा न्यायालयातून दिल्ली येथील त्यांच्या कार्यालयात मेल वरून लिंक पाठवण्यात आली. राहुल गांधी त्यांच्या दिल्ली येथील कार्यालयातून न्यायालया समोर जवळपास २० मिनीटे शांत बसून होते. न्यायाधीश शिंदे यांनी त्यांना नाव विचारले. राहूल गांधी यांनी न्यायालयाचे आभार मानले. त्यानंतर अ‍ॅड. मिलिंद पवार यांनी राहुल गांधी यांना खटल्यात जामीन मिळावा या साठी अर्ज केला. जामीन अर्ज न्यायालयाने मंजूर करून रुपये पंचवीस हजाराच्या जात मुचलक्यावर राहुल गांधी यांची बदनामीच्या खटल्यात जामीन मंजूर केला. राहुल गांधी यांच्या वतीने माजी आमदार मोहन जोशी यांनी राहुल गांधी यांचा जामीन जामीन स्वीकारला. त्यानंतर अ‍ॅड. मिलिंद पवार यांनी राहुल गांधी यांना सदर खटल्यामध्ये प्रत्येक तारखेस त्यांच्या वतीने त्यांचे वकील अ‍ॅड मिलिंद पवार हेच उपस्थित राहतील. निकालाच्या वेळीच राहुल गांधी न्यायालयासमोर उपस्थित राहतील. तशी परवानगी मिळावी असा अर्ज अ‍ॅड मिलिंद पावर यांनी केला तो अर्ज देखील न्यायालयाने मंजूर केला. मागील तारखेस फिर्यादी यांनी राहुल गांधी यांच्या विरोधात राहुल गांधी यांनी कोर्टाचा अवमान केला. राहूल गांधी यांना न्यायालयाचे समन्स मिळूनही ते न्यायालयात व्यक्तीच्या उपस्थित झाले नाहीत म्हणून त्यांना पकड वाॅरंट काढावे व जामीनपात्र वाॅरंटही काढावे असे तीन प्रकारचे अर्ज केले होते. तीनही अर्जावर आज अ‍ॅड. मिलिंद पवार यांनी तीव्र आक्षेप घेतल्याने न्यायालयाने फिर्यादी यांचे तिनही अर्ज फेटाळून लावले. दिनांक १८ फेब्रुवारी २०२५ रोजी या खटल्याची पुढील सुनावनी होणार आहे. या खटल्यामध्ये अ‍ॅड. मिलिंद पवार यांना अ‍ॅड.योगश पवार अ‍ॅड.हर्षवर्धन पवार, अ‍ॅड.अजिंक्य भालगरे, अ‍ॅड.सुयोग गायकवाड, अ‍ॅड. प्राजक्ता पवार भोसले व अ‍ॅड. ज्ञानेश्वरी जाधव यांनी मदत केली.

Newsworldmarathi Pune : परदेशातील नोकऱ्यांबरोबरच आता उद्योगविश्वातही मराठी माणसाचे पाउल पुढे पडत आहे. मराठी माणसाला उद्योग व्यवसायामध्ये महत्त्वाची मदत व्हावी यासाठी महाराष्ट्र सरकार लवकरच परदेशी उद्योजकांसाठी मंत्रालयाचा एक स्वतंत्र विभाग निर्माण करणार असल्याची घोषणा उद्योग व मराठी भाषा मंत्री उदय सामंत यांनी केली. ते पुण्यात जागतिक उद्योजकता परिषदेच्‍या उद्घाटन प्रसंगी बोलत होते. यावेळी व्‍यासपीठावर जेष्ठ शास्त्रज्ञ रघुनाथ माशेलकर, पद्मश्री प्रतापराव पवार, जेष्ठ विचारवंत तथा लेखक संदीप वासलेकर, माजी मंत्री हर्षवर्धन पाटील, ‘गर्जे मराठी’ चे संस्थापक अध्यक्ष आनंद गानू, महाराष्‍ट्र आर्थिक विकास परिषदेचे (एमइडीसी) अध्यक्ष अतुल शिरोडकर, पिंपरी चिंचवड ट्रस्टच्या उपाध्यक्षा पद्मजा भोसले, गिरीश देसाई, कार्यक्रमाचे संयोजक सचिन इटकर यांसह देशातील आणि परदेशातील विविध क्षेत्रातील प्रमुख उद्योजक व विविध क्षेत्रातील मान्यवर उपस्थित होते. या कार्यक्रमात विचार व्‍यक्‍त करताना ‘गर्जे मराठी’ संस्‍थेचे आनंद गानू यांनी परदेशातील मराठी उद्योजक, त्‍यांच्‍या मुलांना देशात यायचे असेल किंवा देशासाठी काहीतरी करायचे आहे त्‍यांच्‍यासाठी राज्‍यात एखादे स्‍वतंत्र मंत्रालय किंवा विभाग स्‍थापन करावा, अशी अपेक्षा यावेळी व्‍यक्‍त केली होती. त्‍या आवाहानाला सकारात्‍मक उत्‍तर देत सामंत म्हणाले, की उद्योजकांसाठी मंत्रालयाचा एक स्वतंत्र विभाग निर्माण करू. आता राज्‍यात स्थिर सरकार आले आहे. नवीन उद्योजकांना उद्योगांसाठी तात्‍काळ परवानगी मिळावी व त्‍यांचा कमी त्रास व्हावा म्हणून मंत्रालयात ‘फाईल ट्रॅकिंग सिस्टम’ येत्‍या दोन महिन्‍यांत कार्यान्वित होईल. यातून कामाची फाईल कोणाकडे किती काळ पडून राहते हे कळून ती तातडीने मंजूर करण्‍यात येईल. राज्यात उद्योगात मोठ्या प्रमाणात गुंतवणूक होत असून महराष्‍ट्र राज्य परकीय गुंतवणुकीत देशात एक नंबरवर आहे. रतन टाटा यांच्या मदतीने गडचिरोली, रत्‍नागिरी, पुणे येथे स्किल सेंटर चे काम चालू आहे. यातून दरवर्षी पाच हजार कौशल्‍य असलेले तरुण दरवर्षी तयार होतील. यावेळी पद्मश्री प्रतापराव पवार म्‍हणाले की, बारामती येथे ॲग्रीकल्‍चर डेव्‍हलपमेंट ट्रस्‍टद्वारा संचालित कृषी विज्ञान केंद्रामार्फत कृत्रिम प्रज्ञा (आर्टिफिशियल इंटेलिजन्‍स) चा वापर करून कमी खर्चात उसाची शेती विकसित केली गेली आहे. तसेच त्‍यामुळे शुगर कंटेंटमध्‍येही वाढ झाली आहे. खेडयापाडयातील गरीब विद्याथ्‍र्यांना शिकण्‍यासाठी पुण्‍यात विद्यार्थी सहायक समिती असून त्‍याद्वारे गरीब विद्यार्थी हे उद्योजक घडलेले आहेत. मराठी उद्योजकांबरोबर सकाळ ग्रुप कायम असेल अशी ग्वाही त्‍यांनी यावेळी दिली. अतुल शिरोडकर म्‍हणाले की, समविचारी संस्था एकत्र आणून त्‍यांना महाराष्ट्राशी व जगाशी जोडण्याचे काम या उपक्रमाद्वारे केले जात असल्‍याचे स्‍पष्‍ट केले. सरकारी धोरणांचे लेखापरीक्षण करण्‍याची गरजही त्‍यांनी व्‍यक्‍त केली. तर हर्षवर्धन पाटील यांनीही शिक्षण व उद्योगांनी हातात हात घालू काम करण्‍याची गरज व्‍यक्‍त केली. तर ज्‍येष्‍ठ शास्‍त्रज्ञ डॉ. रघुनाथ माशेलकर यांनी अशा प्रकारच्‍या परिषदांचा उद्देश हा नवीन कल्‍पनांना वाव देण्‍याचे महत्‍व अधोरेखित केले. गेल्‍या काळात उद्योजगतेला वाव मिळाला असून आठवडयाला १ युनिकॉर्न तयार होत असल्‍याबाबत त्‍यांनी समाधान व्‍यक्‍त केले. तसेच, येणा–या काळात ‘इनोव्‍हेशन’ नवकल्‍पना यांना खूप महत्‍व असल्‍याचे स्‍पष्‍ट केले. तंत्रज्ञान हे भारताचे भविष्‍य असून नवीन पीढी ही नोकरी करण्‍यऐवजी स्‍वतःचा उद्योजक होण्‍याचे स्‍वप्‍न पाहत असलयाचे त्‍यांनी सांगितले. यावेळी उद्योगभूषण पुरस्कार पी.डी.पाटील,सुधीर पुराणिक ,रामदास काकडे यांना उद्योगमंत्री उदय सामंत यांच्या हस्ते देण्यात आले

Newsworldmarathi Pune : दिल्लीत होणाऱ्या 98 व्या अखिल भारतीय मराठी साहित्य संमेलनासाठी पुण्याहून दिल्लीपर्यंत आणि परत पुण्याला येण्यासाठी खास रेल्वे गाडी सोडण्याचा निर्णय घेतला गेला आहे. नागरी विमान वाहतूक व सहकार राज्यमंत्री मुरलीधर मोहोळ यांनी रेल्वे मंत्रालयाकडे केलेल्या विनंतीनंतर हा निर्णय जाहीर करण्यात आला आहे. ही विशेष गाडी साहित्यप्रेमींसाठी मोठी सोय ठरणार असून, महाराष्ट्रातील मराठी साहित्याचा उत्सव साजरा करण्यासाठी दिल्लीतील संमेलनाला उपस्थित राहण्याची संधी अनेकांना मिळणार आहे. ही विशेष रेल्वे गाडी 19 फेब्रुवारी 2025 रोजी पुण्याहून (दुपार/संध्याकाळ) सुटेल, तर दिल्लीहून परतीचा प्रवास 23 फेब्रुवारीला असेल. या गाडीत 20 डब्यांचा समावेश असून त्यात स्लीपर क्लास व पॅन्ट्री कोचदेखील असतील. खासदार मोहोळ यांच्या प्रयत्नांमुळे साहित्यप्रेमींसाठी ही विशेष भेट ठरली असून साहित्य संमेलनाच्या ऐतिहासिक क्षणांना उपस्थित राहण्यासाठी ही मोठी सोय ठरणार आहे. या निर्णयामुळे पुण्यातील साहित्यप्रेमींमध्ये आनंदाचे वातावरण आहे. अश्विनी वैष्णव जी यांचे या निर्णयाबद्दल मराठी साहित्यिक, साहित्य प्रेमी आणि वाचकांच्या वतीनं धन्यवाद व्यक्त करतो. – मुरलीधर मोहोळ, केंद्रीय राज्यमंत्री

Newsworldmarathi Pune : कोरोना व्हायरस नंतर जग आता नवीन एचएमपीव्ही व्हायरस च्या संकट छायेत आहे. चीन मधून आलेल्या ह्या व्हायरसचे भारतातही आतापर्यंत सात बाधित रुग्ण सापडले असून बाधित रुग्णांची संख्या वाढण्याची भीती आरोग्य तज्ञांकडून व्यक्त केली जात आहे. याच पार्श्वभूमीवर खबरदारी घेण्याचे आवाहन प्रशासनाकडून करण्यात येत आहे. ऑक्सिजनच्या तुटवड्यामुळे कोराना काळात आणीबाणीची परिस्थिती अनुभवल्यानंतर पुणे महापालिकेसह जिल्ह्यातील विविध रुग्णालयात एकूण ६० प्रकल्प उभारण्यात आले होते. मात्र, यातील १९ प्रकल्प सद्यस्थितीत बंद आहेत. हे बंद असलेले ऑक्सिजन प्रकल्प एचएमपीव्ही व्हायरस चे संकट ओळखून तात्काळ सुरु करण्याची मागणी महाराष्ट्र प्रदेश युवक काँग्रेसचे सरचिटणीस रोहन सुरवसे-पाटील यांनी केली आहे. मागणीचे निवेदन निवासी उपजिल्हाधिकारी ज्योती कदम यांच्याकडे देण्यात आले. यावेळी पुणे शहर व जिल्हा विद्यार्थी काँग्रेस सरचिटणीस कृष्णा साठे, ज्ञानेश्वर जाधव हे उपस्थित होते. कोरोना काळात कोव्हीड बाधितांमध्ये गंभीर रुग्णांना ऑक्सिजनची गरज भासत होती. रुग्ण संख्या प्रचंड प्रमाणात वाढल्याने शहरात ऑक्सिजनचा तुटवडा निर्माण झाला होता. विविध उपाययोजना करून, ऑक्सिजन निर्मिती प्रकल्पांवर अधिकाऱ्यांची नियुक्ती करून, ऑक्सिजन वाहतुकीसाठी ‘ग्रीन कॉरिडॉर’ करून ऑक्सिजन पुरवठा मार्गी लावण्यात आला होता. मात्र, यावर कायमस्वरूपी उपाय म्हणून महापालिकेसह इतर शासकीय रुग्णालयांत ऑक्सिजन प्रकल्प उभारण्याचा निर्णय घेण्यात आला. त्याची सुरुवात ही झाली. यासाठी महापालिका, जिल्हा नियोजन समितीने आर्थिक तरतूद केली. तसेच त्यावेळी नगरसेवकांनी आपला निधी वर्ग केला. अन्य काही लोकप्रतिनिधी, आमदारांनीही निधी दिला. काही कंपन्यांनीही सामाजिक उत्तरदायित्व निधीतून (सीएसआर) हे प्रकल्प उभारण्यासाठी मदत केली. अत्यंत कमी वेळेत हे प्रकल्प उभे राहिले. मात्र, ते सध्या बंद आहेत. महापालिका, रेल्वे रुग्णालय आणि ससून रुग्णालयामध्ये एकूण अठरा ऑक्सिजन निर्मिती प्रकल्प उभारण्यात आले होते. त्यापैकी सध्या तेरा प्रकल्प सुरु असल्याची माहिती आहे. बंद असलेले प्रकल्प पुन्हा सुरु करण्याची मागणीही महापालिका आयुक्तांकडे सुरवसे पाटील यांनी केली आहे. जिल्ह्यातील एकूण ऑक्सिजन निर्मिती प्रकल्प – ६० पैकी सुरु – ४१ पैकी बंद – १९ जिल्ह्यातील एकूण ६० पैकी महापालिका क्षेत्रात एकूण १८ प्रकल्प आहेत. यापैकी १३ सुरु असून उर्वरित ५ बंद आहेत. त्यामध्ये पुणे महानगर पालिका, ससून रुग्णालय आणि रेल्वे रुग्णालय आदींचा समावेश आहे. जिल्हा शल्य चिकित्सक यांच्या अखत्यारीत ३७ ऑक्सिजन प्रकल्प आहेत. त्यापैकी २३ सुरु आहेत.

Newsworldmarathi pune : कात्रज-हांडेवाडी रस्त्यावर भरधाव ट्रकने धडक दिल्याने डॉक्टर प्रणाली तन्मय दाते (वय ३४) यांचा दुर्दैवी मृत्यू झाला आहे. त्या उंड्री येथील व्हीटीपी अर्बन सोसायटीमध्ये राहत होत्या. या प्रकरणात काळेपडळ पोलिसांनी ट्रकचालक पांडुरंग बलभीम भोसले (वय ३५, रा. तुळजापूर, धाराशिव) याला अटक केली आहे. पोलिसांनी दिलेल्या माहितीनुसार, डॉ. प्रणाली दाते बुधवारी दुपारी त्या दुचाकीवरून हांडेवाडीकडे जाण्यास निघाल्या होत्या.पाठीमागून आलेल्या भरधाव ट्रकने त्यांना धडक दिली. डॉ. दाते दुचाकीवरून खाली पडल्या. ट्रकच्या चाकाखाली आल्याने त्यांचा मृत्यू झाला. अपघातानंतर ट्रकचालक पांडुरंग भोसले पसार झाला होता. पोलिसांनी त्याला ताब्यात घेतले आहे. मिळालेल्या महितीनुसार, डॉ. प्रणाली दाते यांचा उंड्री परिसरात दवाखाना आहे. त्यांचे पती देखील डॉक्टर आहे. डॉ. प्रणाली दाते यांच्या पती आणि मुलगा असा परिवार आहे. ट्रकचालकाकडून गुन्हा लपवण्याचा प्रयत्न! पसार झालेल्या ट्रक चालकाने गुन्हा लपवण्याचा प्रयत्न केल्याचे समोर आले आहे. अपघातस्थळापासून दूर अंतरावर जाऊन ट्रकचालक ट्रकचे चाक बदलत होता. त्याच वेळी पोलिसांनी त्याला पकडले. ट्रकच्या चाकाला महिलेचे रक्त लागले होते. त्या गोष्टीचा अडथळा नको, म्हणून ट्रक चालकाने टायर बदलण्याचा प्रयत्न केला. मात्र, त्याच वेळी पोलिस तेथे पोहोचले. त्यांनी त्याला ताब्यात घेतले.

Newsworldmartahi Pune : महिंद्राने आज आपल्या ‘अनलिमिट इंडिया टेक डे’ दरम्यान BE 6 आणि XEV 9e या प्रमुख इलेक्ट्रिक ओरिजिन एसयूव्हीच्या टॉप-एंड (पॅक थ्री) व्हेरियंटच्या किंमती जाहीर केल्या. ही घोषणा 26 नोव्हेंबर 2024 रोजी झालेल्या ‘अनलिमिट इंडिया’ कार्यक्रमाच्या यशस्वी सादरीकरणाच्या आधारावर करण्यात आली. याच कार्यक्रमात BE 6 आणि XEV 9e सादर करण्यात आल्या होत्या. महिंद्राचे प्रीमियम तंत्रज्ञान अधिकाधिक लोकांसाठी सुलभ करण्याचे ध्येय पॅक थ्री द्वारे साकारले जाते. पॅक थ्री लक्झरी, अत्याधुनिक वैशिष्ट्ये आणि अतुलनीय कामगिरी यांचे प्रतीक आहे. प्रीमियम ईव्हींकडे वाढत चाललेली ग्राहकांची प्रवृत्ती लक्षात घेऊन महिंद्रा BE 6 आणि XEV 9e या दोन्ही गाड्यांसाठी प्रारंभिक टप्प्यात फक्त पॅक थ्री चे सादरीकरण करेल. पॅक थ्री अधिक सहज उपलब्ध करून देण्यासाठी महिंद्राने ‘थ्री फॉर मी’ नावाचा अभिनव कार्यक्रम सादर केला आहे. महिंद्रा फायनान्सद्वारे चालवला जाणारा हा कार्यक्रम सहा वर्षांनंतर बॅलून पेमेंटसह पॅक थ्री व्हेरियंट पॅक वनसारख्या मासिक ईएमआयवर खरेदी करण्याची संधी देतो. महिंद्रा अँड महिंद्रा लिमिटेडच्या ऑटोमोटिव्ह सेक्टरचे अध्यक्ष आणि महिंद्रा इलेक्ट्रिक ऑटोमोबाईल लिमिटेडचे सहव्यवस्थापकीय संचालक विजय नाकरा म्हणाले, “आमच्या इलेक्ट्रिक ओरिजिन एसयूव्हीला ग्राहकांकडून विलक्षण प्रतिसाद मिळाला आहे. ग्राहकांनी उच्च दर्जाचे तंत्रज्ञान आणि प्रीमियम वैशिष्ट्यांसाठी मजबूत आवड दाखवली आहे. म्हणूनच, आम्ही BE 6 आणि XEV 9e या दोन्ही गाड्यांसाठी फक्त 79 kWh पॅक थ्रीची नोंदणी व्हॅलेंटाईन डे दिवशी म्हणजेच 14 फेब्रुवारी 2025 रोजी सुरू करू. 79 kWh क्षमतेची बॅटरी 500 किमीपेक्षा जास्त प्रत्यक्ष रेंज देते. त्यामुळे ग्राहकांची रेंजबाबतची चिंता कमी होईल. प्रीमियम ईव्ही मुख्य प्रवाहात आणण्याचे आमचे ध्येय आहे आणि आमच्या “थ्री फॉर मी” अर्थसहाय्य कार्यक्रमाद्वारे आम्ही ही वाहने अधिक सुलभ करत आहोत. पहिल्या टप्प्यात आमचे मासिक विक्री लक्ष्य 5000 युनिट्स आहे.” पॅक थ्री सह उच्च दर्जाच्या तंत्रज्ञानाचे सुलभीकरण तंत्रज्ञान, सुरक्षा आणि आराम यांचा समतोल हवा असणाऱ्यांसाठी 26 नोव्हेंबर 2024 रोजी झालेल्या अनलिमिट इंडिया कार्यक्रमात BE 6 आणि XEV 9e या दोन्ही गाड्यांसाठी पॅक वन सादर करण्यात आला. प्रगत सुरक्षा, अत्याधुनिक वैशिष्ट्ये आणि प्रीमियम डिझाइन यांचा उत्तम मिलाफ साधत पॅक थ्री आरामदायी अनुभव आणि कामगिरीला नवीन उंचीवर नेतो. महिंद्राच्या अत्यंत कार्यक्षम INGLO इलेक्ट्रिक स्केटबोर्ड आर्किटेक्चरवर आधारित, या व्हेरियंटमध्ये 210 kW मोटर आहे. ती BE 6 ला 0-100 किमी/तास वेग 6.7 सेकंदांत, तर XEV 9e ला 6.8 सेकंदांत मिळवून देते. BE 6 साठी 683 किमी (MIDC भाग 1 आणि 2) आणि XEV 9e साठी 656 किमी (MIDC भाग 1 आणि 2) अशी प्रमाणित रेंज उत्कृष्ट उपयुक्तता सुनिश्चित करते. 175 kW डीसी चार्जरसह 20-80% चार्जिंग केवळ 20 मिनिटांत करण्याची जलद चार्जिंग क्षमता उपलब्ध आहे. या एसयूव्हींच्या केंद्रस्थानी आहे MAIA—महिंद्रा आर्टिफिशियल इंटेलिजन्स आर्किटेक्चर असून ते प्रति सेकंद 50 ट्रिलियन ऑपरेशन्स करण्यास सक्षम आहे. क्वालकॉम स्नॅपड्रॅगन 8295 द्वारे समर्थित आणि 24 GB RAM आणि 128 GB स्टोरेजसह, हे जगातील सर्वात वेगवान ऑटोमोटिव्ह ब्रेन आहे. भविष्यातील ड्रायव्हिंगचा अनुभव सुनिश्चित करत WiFi 6.0, ब्लूटूथ 5.2, Quectel5G आणि ओव्हर-द-एअर अपडेट्ससह, हे तंत्रज्ञान रियल टाईम अपडेट्स, अखंड कनेक्टिव्हिटी आणि अत्यंत वेगवान प्रक्रिया शक्ती पुरविते.

Newsworldmartahi Pune : “बहुधर्मीय, बहुजातीय, बहुप्रांतीय, बहुभाषिक आणि बहुसांस्कृतिक धर्मनिरपेक्षवादी राष्ट्र अशी आपल्या देशाची ओळख आहे, तर समाजसुधारकांच्या पुरोगामी आणि परिवर्तनशील सामाजिक विचारसरणीचा महाराष्ट्र अशी आपल्या राज्याची ओळख आहे. ही ओळख अधिक दृढ करण्यामध्ये विश्वबंधुता लोकचळवळीचे योगदान अधिक मोलाचे आहे,” असे प्रतिपादन प्रसिद्ध कादंबरीकार प्रा. शंकर आथरे यांनी केले. पिंपळे गुरव येथील बंधुता भवनमध्ये साई प्रिंटर्सचे संचालक विश्वास राजवडे यांच्या संकल्पनेतून साकारलेल्या विश्वबंधुता साहित्य परिषदेच्या प्रेरणाशिल्पाचे लोकार्पण प्रा. शंकर आथरे हस्ते करण्यात आले. कार्यक्रमाच्या अध्यक्षस्थानी ज्येष्ठ कवी प्रा. चंद्रकांत वानखेडे होते. प्रसंगी बंधुताचार्य प्रकाश रोकडे, मंदाकिनी रोकडे, लेखिका मधुश्री ओव्हाळ, डॉ. बंडोपंत कांबळे, कवयित्री संगीता झिंजूरके, सुरेश पारंगे आदी उपस्थित होते. प्रा. चंद्रकांत वानखेडे यांनी अध्यक्षीय मनोगतात बंधुताचार्य प्रकाश रोकडे यांच्या कार्याची प्रशंसा केली. बंधुताचार्य प्रकाश रोकडे यांचे कार्य समाजबांधणीसाठी उल्लेखनीय असून, बंधुता चळवळीच्या सुवर्णमहोत्सवी वर्षातील हा उपक्रम स्तुत्य आहे, असे ते म्हणाले. प्रकाश रोकडे यांनी देशहिताच्या या चळवळीमध्ये सातत्याने विधायक साथ देणाऱ्या साहित्यिक, विचारवंत, कलावंत, कवी आणि कार्यकर्त्यांचे आभार मानले. प्रा. प्रशांत रोकडे यांनी कार्यक्रमाचे सूत्रसंचालन केले व आभार मानले.

Newsworldmarathi Pune : सृजन फाऊंडेशनतर्फे दि. 13 ते दि. 15 जानेवारी 2025 या कालावधीत सृजन महोत्सवाचे आयोजन करण्यात आले आहे. ‌‘दास्तान ए रामजी‌’ हा अभिनव प्रयोग तसेच सिद्धहस्त कवींच्या लेखणीतून साकारलेल्या काव्यांमधून झाडांचे मन जाणून घेणारा ‌‘झाडांच्या मनात जाऊ‌’ या काव्यात्मक कार्यक्रमाची पर्वणी रसिकांना मिळणार आहे. महोत्सवाच्या अखेरच्या दिवशी सृजन-कोहिनूर गौरव पुरस्कार वितरण सोहळा आयोजित करण्यात आला आहे. तीन दिवसीय सृजन महोत्सव दररोज सायंकाळी 5:30 वाजता नवी पेठेतील एस. एम. जोशी सभागृहात होणार आहे, अशी माहिती सृजन फाऊंडेशनचे अध्यक्ष अधीश प्रकाश पायगुडे यांनी निवेदनाद्वारे कळविली आहे. महोत्सवाच्या पहिल्या दिवशी (सामेवार, दि. 13) थोर कवींच्या मराठी-हिंदी कवितांची सुरेल आणि हरीतसर्जक ‌‘झाडांच्या मनात जाऊ‌’ ही मैफल अपूर्वा कुलकर्णी, गिरीश दातार, अबोली देशपांडे सादर करणार आहेत. दिग्गज कवींच्या कवितांमधील काही संवाद गद्यात, काही संगीताच्या साथीने तर काही अभिनित करून मराठी आणि हिंदी भाषांमध्ये सादरीकरण होणार आहे. संतश्रेष्ठ तुकाराम महाराज, कुसुमाग्रज, ग्रेस, बा. भ. बोरकर, वसंत अबाजी डहाके, कैफी आझमी, अखिलेश जयस्वाल, भवानीप्रसाद मिश्र, दासू वैद्य, वैभव जोशी, संदीप खरे, अरविंद जगताप यांच्यासह विख्यात कवींच्या रचना सादर केल्या जाणार आहेत. महोत्सवाच्या दुसऱ्या दिवशी (मंगळवार, दि. 14) अक्षय शिंपी आणि नेहा कुलकर्णी ‌‘दास्तान ए रामजी‌’ हा कार्यक्रम सादर करणार आहेत. दि. बा. मोकाशी यांच्या ‌‘आता आमोद सुनासि आले‌’ या कथेवर आधारित ‌‘दास्तान ए रामजी‌’ हा कार्यक्रम आहे. उर्दू परंपरेत दास्तानगोई याचा अर्थ मौखिक कथा सांगणे असा असून ‌‘दास्तान ए रामजी‌’ या कार्यक्रमातून कलाकार कथामांडणीच्या वैशिष्ट्यपूर्ण शैलीतून जन्ममृत्यूचा प्रवास दर्शविणार आहेत. महोत्सवाच्या अखेरच्या दिवशी (बुधवार, दि. 15) सृजन फाऊंडेशन आणि कोहिनूर ग्रुप यांच्या संयुक्त विद्यमाने दिल्या जाणााऱ्या सृजन-कोहिनूर गौरव पुरस्काराने नवचैतन्य हास्ययोग परिवाराचे संस्थापक-अध्यक्ष विठ्ठल काटे यांचा सन्मान करण्यात येणार आहे. पुरस्काराचे वितरण ज्येष्ठ निरुपणकार उल्हास पवार यांच्या हस्ते होणार असून ज्येष्ठ पत्रकार विजय कुवळेकर अध्यक्षस्थानी असणार आहेत. प्रसिद्ध उद्योजक कृष्णकुमार गोयल यांची विशेष उपस्थिती असणार आहे.